المات مات ومايرد شي مستحيل
المات مات ومايرد شي مستحيل
والحصل منك وجان بايدك
اني عيدي من اشوفنك سعيد
وانته حالف من اموتن عيدك
اتغيرت وشغير اطباعك يازين
الناس كالولك اظن ميفيدك
اتغيرت كلش وغراك الزمان
بدلك كلك وغير حالك
اني حبيتك صحيح وبيك اموت
وانته جاي اتكلي متعس فالك
اني فوك امتوني شلتك وامشي بيك
ومن طحت وك غيري محد شالك
اني وحدي الفرش روحه ابين اديك
وعلى روحي تسحك اسنين وتمر
الناس حبهم الك ايد بوسط ماي
واني ليل بليل اجوه بجمر
اني نخله وشايل اعثوكك سنين
تالي غيري بلا ثمن ياكل تمر
الغيري انته اصير واني ابقى وحيد
اوي غيري تمشي وتاذيني
اسنينك انته الهنا والحب والحنان
واني حسره وقهر عشت اسنيني
اني وديتك على درب الامان
وللمنيه بايدك اتوديني
المات مات ومات كلبي العاش بيك
كلشي مات المات مات ويالعدل
ماغدرتك والله وفيتك سنين
وعلى ايدك حيل شديت الحبل
ماغدرتك واكدر ولاكن وفيت
وتالي بلاخر طلعت انته النذل
(الى من جرحني........؟ )
رد مع اقتباس
