محتاجين سياسيين مو رجال حكم ؟المشاركة الأصلية كتبت بواسطة انسان ثاني
من اسمه سياسي يعرف شلون يتصرف ويخلي بلاده بالمقدمة ؟
صدام حسين جان قائد ذا كاريزما وشخصية ونظامه قوي .. بس جان يفتقد للسياسة ؟
لو عنده سياسة جان عرف شلون يكسب الدول المجاورة وجان هسة العراق جنة الله على الارض ؟
هوايه لاحظتك تخوف الناس من التقسيم
طيب ماهو دستورك الحالي يضمن حرية التقسيم
و كردستان الي مفروض هي فدرالية گاعد تتصرف كـ (كونفدرالية) ومحد معترض
واحنه ندري الكونفدرالية نظام بين دول وليس بين اقليم و مركز لانه ما يحكمه دستور وانما اتفاقيات
مثل نظام جامعة الدول العربية !!!!!
شوفي حبي . مبدئيا . ضروري اكو احزاب . لكن مو بهذا العدد الهائل . على الاقل حزب حزبين ثلاثة . اذا احنا ٥٠ حزب
وضروري يتم تقسيم الأحزاب الى قسمين قسم حاكم وقسم معارض
الحاكم يؤدي مهام الدولة
اما المعارض هذا يكون من الشعب مهمتة تقويم الحاكم . يعني ياخذ دور برلماني على عاتقة انو يرفع قضايا ضد كل فاسد ويتحرى عمل الدولة
الحزب المعارض لازم مياخذ اي سلطة تنفيذية . مهمتة التقويم . ويكون بالمرصاد
وانا افضل شباب الثورة الحالية يسوون عصبة او نقابة منكول حزب يكونون المقوم للعملية عن بعد .
يرادلها ترتيبات ووعي . وخاصة انو العراق غني لازم سياسة ترضي كل دول الجوار والخارج وتكون محايد
جل همك وطنك ومصلحتهُ فقط ووطنك وشعبك فوق الجميع
شكرا على مداخلة
حبي برايك راح يصير هيج بالعراق ؟بارض الواقع
ان شاء الله يصير بس نحتاج وعي مستمر وايمان بقضية . دائما جنت اتوقع راح تكون اكو ثورة مثل هذه . لان الانسان بطبعهُ يخزن ويتحمل لكن من يجي وقت فراغ الصبر وعدم التحمل يولد انفجار . وان افترضنا هذه المظاهرات كدرو يكتموها ويقمعوها . راح تجي لاحقاً ثورة اعظم وأكبر منها ..
وحتى هذا التخبط عادي اغلب الدول مرت بي . هي ولادة مدنية وديمقراطية في بلد كان تحت حكم دكتاتورية صارمة وبداوة . احيانا للمدنية ثمنها الثقيل
مثل ماتفضلتي محتاجين داهية سياسية .. مو جايبيلنا رؤساء وزراء بنطرونه مايعرف يعدله ..
هذا يقود دولة ؟
فعلاً السياسة دهاء وأحيانا مكر . نحتاج شخص ذكي اكثر من شخص ديني عاطفي متعصب لدينهُ ومذهبهُ . فشل الساسة لانهم يميلون لعقيتدهم عاطفيين غير عقلانيين . واصلا هم ليسو سياسيين للسياسة روادها
هذا القرن يختلف عن القرون التي جاء بها محمد (ص) .
زين انتي تردين تخلصين من الاحزاب ؟؟
شلون تخلصين منهم و (75%) من الشعب تابع لاحزاب وتيارات معينة .. ؟؟
احنة جاي نقشمر بارواحنا .. مثل واحد يريد يكص ايده .. يكدر اكيد مايكدر ؟؟
كل نتمنى هالشي ويصير براس العراق خير
بس كلامك مجرد توقع ام يصير ام لا
ترضى الاحزاب تجيب شخص مو ملتهم و شريف !
اكيد يختارون شخص فاسد علمود ياخذون براحتهم
لعد هذه الناس ليش طالعة ولحد لان ١٠٠٠ شهيد لا يغرج الإعلام ب ٥٠٠ واكثر من ١٩ الف جريح . طالعين للتغير
حتى نحقق هذا الكلام الي تم طرحهُ انا متابعة الناشطين الي بالمظاهرات الواعين اعني . وفكرهم منصب بهكذا منحى وهذا يبشر بخير .
قبلت مقبلت الأحزاب غصب عليها تتغير اليه الانتخابات . بمجرد تغير اليه الانتخابات راح تأخذ الاليه منحى جديد . هي المشكلة بحساب الأصوات وهذا سانت ليغو المعدل البلاء الأسود . الي هو اصلا هدفهُ سانت ليغو. أنصاف الكتل الصغيرة تم تعديلهُ ليحابي الكتل الكبيرة
واكو طامة كبرى هي الرئسات الثلاث
كل دول العالم عدها ثلاثة رئسات لا العراق اربعة وهذا خطأ فادح وكارثي ويرادلة شرح مطول
يجب تعديل الدستور وبشكل يخدم الشعب .
ان شاء الله يطور الشعب بفكرة ووعيهُ ويكون هو الحاكم لاحقاً واي خطا من الدولة ينتفض الشعب هكذا راح تصبح الدولة خائفة من الشعب فتعمل بما يرضيهُ .
لا تعتقدين الحاكم الغربي ملاكبل هو ربما اسوء لكن الشعوب الواعية هي من ترسم الطريق
تحياتي
التعديل الأخير تم بواسطة Gardi ; 10/December/2019 الساعة 10:39 pm
رد مع اقتباس