هنا

[فقار الكرخي]

ابهيده من تنگل مشيتك

خاف تفحط.....والعطر يطفح ابريتك

خافن اتفزّ الحدايق ..!!

خاف اگول الناس تشتمك ربيع

وتزرع اعيون ابثنيتك

خايب ابهيده تعال

وكون مثل النده تسيّر

چن حمامه اوراده اغروب اعله بيتك

يلمشيت......اشگد تنيتك...!!!

چانه غيم الله اشتريته حتى أمطر لو بچيتك

خايب ابهيده تعال...

انكاسر النيّه اعله نيّه...

نيتي ورده ابلون گلبي.....

وماكو ورده ابلون نيتك..

يلشتلتك ندم باچر....

خايف اتخضّر ادنان وبس بيادر تعب صيتك

واعترفلك هاذه عيبي...

من الزغر تشتل ابشيبي

وچان كاروكك اگليبي

ومن فطمتك...دللّيتك .......

هذا عيبي ...!!

هسه روحي احروف حزّوره اشيحلهه

ويافطن ويفك غزلهه...

ومدري نادم.........چي هويتك

مدري أكرهك. چي بعتني

ومدري أحبك چي شريتك

مدري ولله....

وبس تعال...









كاظم العطشان

[انثى مخمليةة]

روووعـةة