آنه العراقي … آنه العراقي
ـــــــــــــــــــــــــ ـــــــــــــــــ
هالمسيرة وشمعتي المضويه
للدماء السالت السلميه ...
ياعراق احفظلي حق اخواني
مااجيت احرك دوائر اني
انه وصاني علي السيستاني
تكون هاي الوقفه انسانيه ...
ابخطبة الجمعه يحذرنه ويكول
صيرو اكثر وعي يااهل العقول
اكو من هدام اتباع وفلول
والحذر من فتنة البعثيه ....
عله اليتظاهر يكون باحترام
لا يسد شارع ولا ايخرب نظام
بالشموع اليوم نذبح كل ضلام
ومانخلي الفاسد ابكرسيه ....
والحذاري من فتن آخر زمان
لا تصنعون الخراب بكل مكان
العراق ابحاجة الحب والامان
شهداء اتروح اله يوميه ...
كل أرض صارت شبيهه الكربلاء
وطن صار ابلون دم الشهداء
ياحكومتنه اسمعو هالنداء
انريد حقنه انريد مصداقيه ...
عدنه مرجع بالنجف ياهيبته
يكلب الدنيه اذا فر سبحته
والله لو يمشي العراق بحكمته
ايصير سيد عالكره الارضيه
ـــــــــــــــــــــــــ ـــــــــــــــــــــــــ ـ
انــــــــــــا العــــــــــــــــــراقـ ـــــــــــــــــــــــي اداء الرادود | حــــــــــيـــــدر الــــــــــســــــعد كلمات الشاعر | مـــــحـــــمد الجــــــماســــــي ساحة اعتصامات البصرة 2019/29/11 م / 2ربيع الثاني 1441 هـ
رد مع اقتباس
المشاركة الأصلية كتبت بواسطة انثى مخمليةة
