هناك ماتلگه دفو وتشبگ خيالك
هناك ماتلگه دفو وتشبگ خيالك
هناك يا طور ال ينعي ومابجالك
عز سمارك
عز نهارك
عز دلالك
واني يالوعه التحدر تأخذ دموعي ال سؤالك
واني يا ليل اليمرني يغني داخل يا وصالك
ما يعوف الخل خليله
وگلت أحسبك لثگيله
ولويصح واحد بدالي
مايصح واحد بدالك
حالي حالك
عندي روح
وبيها أسمك
عندي عين
وبيها رسمك
عندي ،، بس ماعندي بالك
منهو گال الفرگه هينه
منهو گال جنازه حينه
منهو گال متاني فينه
ولسه باقي
لسه ماصدگ برد طولك هذاك
ومامش أني
لسه اسولفها أعلى روحي شگد نساني
شگد بجاني
شگد لعب بسنيني ذيج
وما حواني
وتايه اني
طير يفتر ،، فوگ من بيتك مسافه
وجنحي هادل
ومامش جفوف التأومي
حته أمن وابقى نازل
حكمك وحكم الليالي
والله مامعقوله عادل
وشبقالك
يمي خايب
هاك أخذ كلشي التريده
ولاترد ناگع ملامه
هاك اخذ تعب التعبته
والعتب طايح كلامه
بينت ذاك انته واضح
بالغدر شايل علامه
ثوبي مالايگ يالاسمر
ثوبي من خيط الشهامه
امودع الله
امودع الله
امودع الله وبالسلامه
همام الزغيبي
رد مع اقتباس
