رمش ناگع محنه…
انطر…انطر. يارچيچ
ومنتچي اعله ضلوعي گوه
يا هذاك
ال گوه مدري شلون عايش
انطر…انطر
بلكي
ريحة مستحه…
لهفة ثياب…
زلوف خدرانه…
رمش ناگع محنه…
بلكي…بلكي
وبلكي صدفه ومن هذاك الصوب
شي من عنده……..يعبر
ادري
مامش للصبر
ضل ريچ عندك
بس اگلك…
سايم اعليك السمار
ورصعة خدوده
ورگبته
عناد…شفته
سايم اعليك
التراچي
الغافيات ب طارف اذنه
شويه…..
حسبة چم…عمر… عمرين تصبر
وانطر…انطر
بلگي
جنحانه
يهزهن شوگ لعشوشك هذني
بلكت
عيونه
يتيهن ب الضباب
وهيج لنهن تايهات
وب الضباب……يصادفني
هيج
وانزع
كل حزن لابسني خرگه
اضحك گباله واطش….
ال يوجعني
هوه بس……ال يوجعني
وهوه گلشي…ال يوجعني
اصبر اصبر
بلكت
يخضرن بروحي اليابسات
ولنها مزنه
لنها غيمه
شايله من چفوفه ماي
ولنها فوگ رويحي
ومن عنده ماي چفوف….تمطر
انطر…انطر…..!!!!!
سايم اعليك
التراچي الغافيات
ب طارف اذنه…
يارچيچ….شويه
حسبة چم… عمر…عمرين تصبر
#المبدع_محمد_لفته_العماري
رد مع اقتباس
