الموت صار شلون اهلنه . بكيفه ماين طاب طالع
روح گلبي وشوف وادم
ترسم الضحكه اعله شفتك؟؟
چم رساله
الكزبرت راعي البريد بشوگها
وضايع دربها ردت تنام بعتبتك؟؟
هرشك اخضر
والوطن مو مال عيشه
اسكت يكلبي وگاعه بور؟؟
ورحه وكتك
يطحن وشالة الحيل
وما يبطل حتى بعضامك يدور؟؟
وكلشي اكس باير يگلبي
وكلشي بيه اليوم فاسد!!
چم رساله انباگ بيها شچم تعال
گبال عينه وهوه گاعد!!
الوطن چذبه يكلبي
وياما گتلك بس تعاند!!
ياما وصيتك يگلبي
وياما كتلك لا تمد ايدك لگاعه!!
العمر خلص وشتحصل
غفله ونموت اعله ساعه؟؟
موت وذبل
بس يكلبي تعيش المن
وانته جاي تشوف كلشي
بزي مزيف ما بقت عدهم قناعه!!
اگطع لسانك يگلبي ولا تنادي
وعيش يومك
موتك يمون اعله روحك
ما يدك الباب يسترخص يجينه
الموت صار شلون اهلنه
بكيفه ماين طاب طالع
وانه خايف
لا يمر عليك باجر ونته وحدك
حتى روحك تنسه روحك
فشله ما حصلت ناس
تشيل تابوتك يگلبي!!
وانته وحدك
تمشي جناز ويه روحك
وانته تمشي تريد جامع
ناس جامع ماكو جامع
اتلاحگ اشبلروح وشله
ولا تتاني يجيك واحد
ماكو شمعه التعتلگ بليل يمك؟؟
اعلگ العشره لروحك
وانسه كلشي وشيل همك!!
وغطي جرحك حتى عن روحك يكلبي وخيطه سكته!!
خاف تختاض وتعاتب لا تعاتب
وانته حاجيني يكلبي
جرحك البلروح توه منين اجاك شلون جبته؟؟
منيلك ناس التحبك وانه ادري تعيش وحدك!!
منيلك هذا الجرح
سولف يكلبي خاف زعلان
اويه روحك وانه ما ادري بزعلكم؟؟
يالله حاچيني يگلبي ادري
ثالث ماكو يمكم؟؟
منين چا هذا جرحكم!!
منين چا هذا جرحكم!!
غيث ال علك
رد مع اقتباس
المشاركة الأصلية كتبت بواسطة ايليتا
