والنفنوف يرگص للهوه الجذاب يالچذاب
شيلمك
يـ صم تراب ..
واذره اعله بيدر ماي من واهس
لم روحك
يجفنك ليش
غير دموعه مالابس
لم روحك
يالروحك جرح ماطاب
يسمك
لچمه مال صواب
وعيونك خرز هبهاب
والنفنوف
يرگص للهوه الجذاب
يالچذاب
تضحك ..
والدمع بالروح واصل لسابع باب
تضحك ..
والدمع غرگان
يهومش گوه برموشك
كافي وهونك اعله الروح ..
وينك ياگمر نعسان شينوشك
يچتالي واچيتك منك انه دخيل ..
لم روحك
وليه اتعنه مابياش وشلة حيل
ياهو الغمض عيونك
يمن فدوه تروح عيوني لعيونك
من يمته وصرت مالوگ
چاوينه
الحچي البالليل
والحلفان والماعيش من دونك
أشو ضعنك تلملم بيه
والوياك نفس الي كلتلي لا تماشيهم
اخافن لا يغيرونك
يـ المعلمني
اعرفك من تچي مغندب
يانگاط ماي الحب
تراني خلافك مشرعب
واهومش بالصور
مثل المشور بيه
رد ليه الجفه يتعب
بهت كلشي اعله مد الشوف
اشوفك من تجي بغيضك
واتلگاك واتعذر وانه ادري مامش صوچ
وصوتك يثگل عليه
واعاين عالزعل باهت
واگول يمون يدلل
غشيم شگد ولا حاسب
تريد افراگ..
غشيم شگد تزاعلني وارد اشتاگ
تعال النه ..
سوالف حنه للعرسان ..
تعال النه
لچم يادوب افز تعبان
أمس !
باچيك مافزيت
امس فزيت چي بردان
امس وينك
امس ويني
امس مر الحزن بيه
امس حزنك يواسيني
أمس !
من مر علي طيفك
دعيت يطول بيه النوم
امس ماهو
وأنه موصيك بيه تنام ليش تگوم
ليش تروح
تذكر ؟
من جنت وياي
چان يغار منه الياس
غديت انچن
تعال وشوف حالي اليوم
انه المحروم من الناس
انه الچم بي مرض معدي ولاينجاس
ليمته انده صورك بيك
وانه ابچيك
انه ونوحك..
نذر للوين
اعوف الخاطرك چم دين
وارد بچم ذنب بالروح
واچر بروحي گوه اعليه اريد انساك
وتمر نسمه هوه من اجفاك
ويرد بيه الوداد يفوح
جبتها اماطل اويه الاخ
من أخر الله وياك
لاخر دمعه بيه اليوم
رد ليه اخاف عليك
لاتنجاس
اخاف عليك لاتنباع
لايجزاك سعر السوم
رد ليه واردلك
هذاك انه الولا رداك
رد ليه طلوع الروح اشوه
ولا ليالي جفاك
حسبالي ..
الدمع وال لا عني تروح
صدگيات هالخليتك بصدري
يالچذاب
أثاريك بچي السكران ماتدري
وبعد شيفيد حچيي وياك
تعبت اشگد واباري التين
وانت بكل رهاوه
اتدني غيري يضوگ من تيني
وين نروح
يادين اليلفينه
تعبت من البواچي عليك
ياكاس الينسيني
ياليل اليسد عيني
ياليل اليشيل اللوم
وانته بكل عتب ناطور
فراگك تعب اشبالروح
يالمغرور
تعال اليمي تضحك
وانه بس ابچيك
رد ليه الدليل يفور
غيث ال علك
رد مع اقتباس
