مرني ياهيبة حچينه
منين ما مرني هواك
ايحرك اشراع السفينه
ويبحر بعيني دمعها
منين ما وچدك تجيني
وماتچيني تظيگ
بعيوني الولايه بكل وسعها
سافر بروحي قصيده
تعيش بشفاف القروك
والعتب وعيونه اليامابچتلك
رادت بسرعه تچيني
وما اچيت
شگد تعز الاخروك
انه ماحب الجفوني
وليش احبك
دوريت وما لكيتك بين كل حزني الحزنته
والروازين القديمه وبيتنه
وبستان اهله شگد يحبك
وانه احبك
چم دوب اهد دمعي اعله ليلك؟
موت ليلك
شوكت اطش روحي خرز حاظن شليلك
واشتكيلك
منك وياي اشتكيلك
مدري ياهو يمدلي ليله
وانه اجيله واشتكيله
ومدري ياهو الفرهداني
وطشني اخ ابين حزني
ليش عايش
وانه مرجوحه قديمه بلاحديقه
تمرني ناسي وماتهزني
وأخ اخ يمرني ليلي
يذبني كاغد وين ما بالدنيه ريح
وگطره گطره تذبني عيني
ومادرينه بياوكت منهن نطيح
كودني الزلفك تراچي
وخلي اهد بروحي طوگ
وذبني فوگ زواگ شفتك
بيه واهس عتني ظوگ
منين مر بيه حزنك واندل بروحي البواچي
مرني ياهيبة حچينه
مرني ياخيط بچتف ذيچ الخواچي
غيث ال علك
رد مع اقتباس