سبع شطوط
.. . ((سبع شطوط))
مشينة غروب .....!
. . وتعدينة سبع (شطوط)....
سبع ميوزة مكتوبة عليها _اسكر_...!
سبع نجوم بس ماتن ..
ولالة مكسرة بكل زاوية مليت!!
ظلمة حيل
باد الحيل من (جداحة)ما تگدر!!
وها ي(گزاز)عوف ال اخ
لا تحچي ولك يااخ..
خل نشعل فوانسيك ضوء اهلالين
لا تحچي شمس ميتة
هذا انت يبعدك وين يلا تموت !
بعده ينذكر طاريك صورة وصوت!!
ويگاطعنة ....ولا ندري وتگاطعنة!!
ما شمينة وجه چفوفنة وتروح
گلت ليلة وي(اخر)ليلة من تموت
وما ندري المطر زخ حيل
ولا مد ايده طاري الغيم!!
ما ندري صدف وتهيم..!
وتعدينة سبع (شطوط)...!
ولگينه الفار ياكل ب(الستر)سكتةة
وحزن اه الحزن
بصف استكانة (يخوط)..!
واشتمينة چف جناز !!
وگصة من العرگ (ناگوط)!!
وغني يكتب قصيدة (مسافر وما عود)!!
غني محسن شطر ممدود!
ولگيناه اعله طرف العود !!
كاتب ...كاتب ..كاتب وانخلس ونة
(شمالة اللي قرة چفوفي بچه وغنة)
ومشينة لديرة الغربة !!!
وطن شارد!!
جنط مليانة قلم ودم
هذا انسان كاتب شجرة عن ادم !!
وكاتب يارفيف الدم
وگال ال اخ تبدي امنين ما تلگه وطن يحلم!!
خذه روحة لعد غربةة ومشة بروحة
وترك حوى وترك (كوخة)
وترك شعرةة رسالة (بدم)...!
و _عزيز_اشما نسووو طولة يظل ادم
يحب اسوالف اليحلم !!
باعو نص ضحكتة
وسافر ويه الغيم !
يضحك والمصيبة اشما تگلة تهيم!!
صعد بينة الحزن ليغاد
لاخر ديرةة مظفر ...!
سبع ميوزة مكتوبة عليها _اسكر_
وظلمة حيل بس جداحه ما تگدر!!
مظفر خير ...ومادامه بعد بي حيل
سبع اجيال كلها بخير موش شطوط !!
واشتمينه چف فرحان
وطحنة من الگصص (ناگوط)...!
يما گاعد
ولا تعرف شنو تحچي!!
كافي تذم..!
انظر للقميص وشم!
اظن يعگوب ما غزر
يطاري الطين من تموت هم تندم!
طين معارچ ويه الطين !!
وعيب الچلمة من تنگال
باالك بالحچي المو زين
وانه اعتذر (سبع شطوط)
ذن خمسة وبقن شطين !!
فاطمة_الصالحي
رد مع اقتباس
