هنا

[فقار الكرخي]

ما قيسچ بحر بيچ البحر خلصان
گلبچ بي علي وسوالفچ خضره

اليختصرچ گبر ما ضايگ المشخاب
الما عارف حلاتچ ما عرف گدره

ياديرة عطر ماسولفت عاگول
العنبر والبخور وبينهن حضرة

اجيچ من العلم چا غير حيدر بيچ
اجيچ من الشعر عبودچ شكبره

يالماعايزه وخلگچ خلگ معصوم
خلص عمره بظلم بس ما خلص صبره

لسانچ مرجعيه احچايتچ تاريخ
اليدفع باب ريّتچ يلچم الزهره

تاريخچ ضوه اليقراچ يلگة نجوم
درابينچ عفيفه ولايتچ سمره

بيچ اليندفن لو سيئاته عثوگ
الله يشوفه برحي وحيدر يعبره

حبچ يختلف مثل السمچ والماي
حب أول نبض مو أول النضره

ولو رسمو بحضنچ ساحة التوديع
بس تتلاگه بيچ اربيل والبصره ...!








ل حيدر الشكري

القصيدة عن النجف الاشرف

[صفاء العامري]

شكرا فقار الورد

[انثى مخمليةة]

عاشت ايدك