هنا

[فقار الكرخي]

كفو منكم ،

كفو يسباع ،

زلم يل طينكم حرّي ،

يوِلد الله .

يل بيكم لبن صدر الحراير ...

والتلولي والسهر ما ضاع .

زلم وعيونكم تجدح ...

شرار اليشعل الظلمه .

كل رمشة جفن كَمره تحنّي الكَاع .

نشامى والجسر خطوه لمراجلكم ،

والواويّه ذاك الصوب صفره ...

وغاد منها ضباع ...

ترجف ،

وآنتم آلها سباع .

كفو يسباع .

وكَفتم للمنايا شراع ...

وصغتم من وهج دمكم ...

كَلايد من عقيق تحلّي صدر الكَاع .

من دمكم ...

فتحتم للشمس بيبان ...

وشبابيج لفرح باجر .

الشمس تنزل تحنّيها ...

وتبوس الكَاع .

عفيه آخوان آبن ثنوه .

كَاع البيها هيج سباع ...

ما تنباع .









عبد الكريم القصاب

[انثى مخمليةة]

احسنت النشر

[فقار الكرخي]

نورتي