تـعبـنا .. والزهـره تـعبنا
رحمنا .. ولا واحد رحمنا
اليحب روحه يعيش و ضحكته اتغلبه
و العاشـگ تـدوس الوادم بگلبه
اليوگف ماي هاي الوادم اتشربه
و احنه الماي بين الگصه و التربه
عطشنا .. ماي احنه و عطشنا
لـچـمـنا .. الما يسـوه لـچمنا
تعبنا من الركض و جروحنه تكضنه
متعوبـين .. مبيـوگ الـفرح مـنه
عدنا چـفوف تكسر خاطر الحِنه
من گد البواچي عيـوني ماهِنه
لـهلنا .. ما نرجـع لهلنا
محنه .. ما ظلت محنه
بيـنه جروح ما ترتاح من تشفه
و بينه اوداع يكسر واهس اللهفة
بطاري حسين نجزه شچم شته و ندفه
اليعشگ سكتة يتوكل على الصدفة
رجعنا .. ابلا واهس رجعنا
عثـرنا .. تره التهضم عثرنا
عافونه الگبـل نحلف بساميـهم
و طحنه بكل نذر شايل طواريهم
لگينا الخيل تجزه و ترجع اعليهم
الما بچونه ما نرضى نبـچيهم
طلعنا .. وي دمهم طلعنا
خيمنا .. و احترگت خيمنا
ما ظل حيل حتى انعاتب الراحو
بس ردنه انعرف عدلين لو ماتـو
خـل ينسونه اذا بنسيانه ارتاحو
اعزاز الديره شيلت جلوه من شالو
گلبنا .. ظل يرجف گلبنا
حزنّا .. ع الراحـو حزنا
يا شمعه التكض الليل من ايده
اليعوفونه اليحبهم ياهو اليـريده
نسولف بالفرح و السالفه بعيده
العاشگ شوفت احبابه تظل عيده
فرحنا .. شو ذبحو فرحنا
يعتنا .. الشمر گوه يعتنا
لـ ايهاب عيال الظالمي
تدوين : نـادلين
رد مع اقتباس
المشاركة الأصلية كتبت بواسطة ᓆjgᓄ⍺
