یا عبّاس
حسن عاشور***
یا عبّاس إنت ماهو بس دمعه ابشهر عاشور
دمعه النوّرت رِمشي
مو بس إنت مِزنة صبر رشّت صبخة همومي
مو بس إنت کلشي لا بعد کلشي
مو بس إنت ذکری البیها گلت الروحي بشهرالصیام إتحمِلی و عِطشي
یا عبّاس بعروگ الرجال الماتحب ذِل النفس تمشي
لأن إنت ابن ابو الحسنین
چا إنت گمر باللیل وحتماً داگ بوب الفقره و ویاهم أکید الیال متعشّي
محتاجینک إتعلّمنه نصبر من تجینه الریح
محتاجینک إتعلّمنه حتی انصیح
وتعلّمنه چیف انطیح
محتاجینک إتعلّمنه
نشرب من عطاشة کربلاء إحسین
وبگطرات اسم إحسین نسکر وبمسیره إنطیح
یا عبّاس یا بیرق الهسّه بکربله منشور
بیرق فوگ کل عاشور
فوگ النور
فوگ الفجر من أذّن ومن صلّه بمحبة الله ألف عصفور .