اشگ زيجي لعد( الله )...!
وادعي
من اول مناغا
واشگ زيجي لعد( الله )...!
وابچي من الچفوف
عيون تعبانة
ونذر بايت ...
واناشد
شوغة الحيطان للصوره
والبسمار
يلچمني...
وادور
(بالمچان )امچان...
واضيع بديره الظلمة
واكض ايدي وادليني ...!
واروحن يم المصلى
واذب ذنبي
واصوفر ويهي
يم چلمة ذنب لا عيب ...!
واناشغ درب المعاتب..
واضيع اهناك يم( محد )...!
ويتلولح خصر چفي
هلي وبلچت يشوفوني..
هلي ...
وانه وحگ انه
جثث ميتة بحضن گلبي...
اطوطح جدم للگاع
اذل روحي...
اسلم (اي)
وامد ايدي
اعله وأدم ما تحب گلبي....
واضحك ...
والدمع يختل
واغمض حيل بس (ابچي)..!
عطشان ومشيت اهناك
واني شطوطي سبعه ولا سبع بيهم ...
وشميت الرسايل بيها طاريهم...
ودنچت اعله حچي( الله)
وبست قرآني من كل صوب
وقريت ب اول احلامي
(ولا تقربو الصلاة وانتم سكارى)
وريعت اعله طول الكاس
دفت اتراب المصلى..
وبقيت اقرا..
بأاحب ابليس ....!
واردن لآخر احلامي
والگة البوب امطشره
اعله صم (اچفوف )،...!
واروحن يم غرفتي ابچي
..(.بديت ابرد)...!
والگه الفار ماكل ستره متوني...
وفتحت عيون المجرات
والگة الصور تتعاين اعله عيوني...
واعاتب ظل المرايات...
احاچيها وتگلي (اسگت)..!
اشوفن وجهي المشگگ يناغيها...
بيه الصده معاند كل طواري الصوت...
اعاتبها وتعاتبني وابچيها...
واختل يم زوايا الـــ اه
بعدين واظل اضحك...
واناغي عيون المذبلات...
واهناك وارد ازعل واراضيهم...!
فاطمة_الصالحي
رد مع اقتباس
