هنا

[فقار الكرخي]

الدمع نيشان
لليغرف حزن روحه
سحكنة الموت وأحنه صغار
لاعيد العثر بينه ولاشبگتنه مرجوحه

ميثاق الهلالي



مثل طبع النخل تنطي ليرامي عليك
ولا رجعت واحد فارغه اسلاله
تعزب بالنفط للرايح وللجاي
وعلى عيالك بخلت بترست الاله



حسين البنداوي


احنه احرار يوجعنه الياذي الكاع
تره من طينهه ومن تنعصر نلتم

ثورة( لا) وكافي وما اضل انگاد
كاافي امن الصبح لليل نتألم

كافي ودمنه عاجل عالفضائيات
غصبا عالكراسي اليوم راح احلم

محمد مخيلف


اركض لو سمعت الوطن ناداني
رشاشه تصير ابيدي شرياني
وامي تطلع وياي
تشمر طاسه الماي
توصيني اطيحن كبل خواني...



الشاعر مهند السيد هاشم


بطلنه الحجر يغراب عطشانين
من هاي الشباب نعبي بلجره.
ومتنانين ماي يفيض للثوار
مو دم وقمع وعيونه مجمره

امجد الزيدي

اليمتى نموت اليمتى يخضر ابدال الورد تابوت
نريد نعيش خل نبقى بلاية اجفوف
بس نرسم احلام ابتوت
نريد الطير ما ينصاد يبقى يطير
يم كبت علي ويفوت
نريد الكمر يبقى بخير
ولا تدنه يمه الحوت
نريد الناس تفرح كون كلها اعراس
ولا يبقى اثر لجتاف كل زاتوت

حسن الشيخ هادي



هذا العاشگه وبطيحتي اوميله
هذا الي بصحوتي وغفوتي ابجيله
.
.
هذا شماغ ابونه الوطن بس مرات
توگع دمعته ويصير منديله


شجاع الحليحل



يا نوح الماعنده سفينة
وآمنا وغركنا الدم
جم زمزم تحتاج وتروى
يل كل شبانك زمزم
شتخضر يالزارع ناسك
ومشبعهم موت وشم

بشرى رحمن



ركضت والفشك من يركض يعور
واجه وياها النده عله وليدها يدور

شعرها وبالها عله وليدها مفرعات
الزلف لو مامحجب بلهوى يشور

حمزة_الجابري


وطن بي كلشي صاير اغله من الدم
وطن فجاره صار الجار وأبن العم
.
.
بس الحلوه بي مايشتكي من العوز
درس عد حيدر الكرار وأتعلم
يوميه اعله ريجه ويدگ باب الموت
ينطي چم شهيد ويرجع ملثم

د.عبدالله ولاء السلامي

[انثى مخمليةة]

روعــةة

[حہيہدر الہبغہداديہ]

ودمت بهذا التميز بطرحك لمواضيعك
تقبلو مروري
مع خالص
تقديري
و
احترامي.

[ڪبہريﮩأء أنہﹻﹻثى]

⚘ ⚘ ⚘ ⚘ ⚘ ⚘ ⚘ ⚘ ⚘ ﺣُﺮﻭﻓِــگٍ ﺟَﻤﻴــــﻠﺔٌ ﻭﺭﺃﺃﺃﺋﻌـــــــــــــﺔ ذذذوقك رررااااقي