البلبل من يغرد يعزف احاه
شما يحچي گصب ؟ مايوجع الهور
ب سبع طعنات ظهرة ايسولف الناي !
البلبل من يغرد يعزف احاه
يسولف للگفص ، عل شجرة والماي
آبنادم يتعض من ينترس ويل
من يگول نعمة ال مامش وياي
من يوصل بحزنة ال سابع أحااه
يحمد ربة بس عل خبزة والچاي
وانة ب شاهولي اذمن، واگطع الخيط
وتالي تخون ساسي چفوف بناي !
ربة بسد الجماد ، وهاب ال أشموس
وطلع مغرب گفاه ، چتال الافياي!!
مشغول بعدوي ، وطلع مو شين!
بالنسبة لصديجي لعفتة بگفاي ..
( مرات بمصيرك يحكم انسان)
ألينذرني أعلة جرحة شحصل بهاي؟؟
الحنة بلا نذر ؟.. ماتلزم الباب
وتعيش اعلة شيب التنحب هواي
مو بس با هدم !! كون بعگل زين ؛
الكشخة الحوك كون بچلمة ال راي!
ما يشمي اعلة راية، الماي سيال
وچي مدفوع يبقى مدولب الماي !!
ها يا صاحبي ؟؟
ها يا صاحبي المغرب حلة وياك؟
حگك ما نشغت گبال فانوس
و موش عگادة سگفك والگصب باب
و ما ضاگت وجنتك خيط ال أشموس
جايبها بتعب ، وبشوغة ال آه
وچمالة اعلة جرحي انوب منفوس !؟!
خلص عمرة يجري ، شمحصل الماي؟؟
يركض وبگفاه بس تغرف ال طوس!
و انة براسي حچي ، ودنگتة معذور
السنبل ينحني ، چي راسة متروس
#بس-گلي..
بس گلي شجنيت بعملتك هاي ؟؟!
المتلحفة بسماي تفيدها فلوس؟!
أنگول يشح دمعها
احساسها شلون؟!!!
و أنة ادري بگلبها ، الأبهر ايحوس
ال يشبگ بالنخل، عينة اعلة العثوگ
بتجاعيد الجذع من يصعد يدوس
و انة بحضنة وداعك فسرت هاي ..
حلمي ال گلتة الك ، نشزتة كابوس
عايش عل يطيح ؟!
شبيك يا بير ؟؟
عايش عل يطيح ، شبيك يا بير ؟؟
وچمالة بعملتك سري محبوس
الكتلتني بحجرتك سري محبوس !!!
منقول
رد مع اقتباس
