هنا

[غَياهِب]

فعلاً .. رفست او دست ببطني ..

اوووووه مو ع القصد والله اسفه

[فقار الكرخي]

الصراحة عجبتني اجوبتك
ولهذا رجعتلك بكم سؤال


1 . احمد اريدك ترتب هذه الاسماء
حسب الأعز على قلبك

الله
امك
ابا الفضل العباس
الوطن
سكراب

2. ماشفتك فديوم فدت هذا المنتدى
بموضوع من تخصص دراستك .
شنو السبب

3 . اوصف الأعضاء المذكورة اسمائهم بكلمة

يمام
اموري
انثى مخمليةة
حسن عباس
جنة الروح
غياهب
براءة
هيفين

4 . بأعتبارك تكتب شعر
تكدر توصفلي دجاجة تعبر الشارع . على شكل شعر

5 . شنو تفرق بنت الجنوب عن بنت بغداد

6 . شلون سجلت بهذا المنتدى

7 . اذا صارت عندي مشكلة عشائرية
ورادو مني كعدة وجبت ناس بس شيخ ماعندي يحجي .
تكدر ادبرها وتاخذ دور الشيخ وتسولف وتحل المشكلة لو مدبرها .

8 . تعرف تسوق حصان

9 . من دخلت للموضوع لكيت سامر هنا ديكلب بالردود مالتك واجوبتك
برأيك عن شنو جان يدور ؟

10 . تكدر تشيل كونية طحين وتمشي بيها كيلو متر .




وهم ارجعلك ضلعي

[الملاذ الاخير]

الصراحة عجبتني اجوبتك
ولهذا رجعتلك بكم سؤال


1 . احمد اريدك ترتب هذه الاسماء
حسب الأعز على قلبك

الله
امك
ابا الفضل العباس
الوطن
سكراب
طبعاً الله جل وعلا
الامام العباس سلام ربي عليه
الوطن
امي
سكراب
2. ماشفتك فديوم فدت هذا المنتدى
بموضوع من تخصص دراستك .
شنو السبب
طرحت هواي افكار سابقاً ومالكت بيئة مناسبة الظاهر .. فمتنعت عن تقديم شي !!
3 . اوصف الأعضاء المذكورة اسمائهم بكلمة

يمام .. انسانة طيبة
اموري .. انسان طيب
انثى مخمليةة .. انسانة طببة
حسن عباس .. هذا اخوي
جنة الروح .. اعرفها من 2014 بس معرفة سطحية كلش وامكن البارحة يالة عرفت اسمها .
غياهب .. ما اعرفها ونصحتها مرة من المرات وندمت على هذا الشي .
براءة .. اخت وصديقة عزيزة
هيفين .. انسانة طيبة

4 . بأعتبارك تكتب شعر
تكدر توصفلي دجاجة تعبر الشارع . على شكل شعر

رأيتها تمر على عجلاً .. كانها على موعدٍ من الامرِ
كان صغارها جوعى .. وبدا لها الجوع كالنسرِ
عبرت والناس قد سألت .. ادجاجة تسير وحار لها الفكرِ
وهناك من فرط سرعتها .. داست على طبقاً من الجمرِ
كان بها خوفاً ومرتعباً .. وكانها عادت من اليسرِ

الموضوع مايسوة قصيدة لو غير موضوع جان كتبتلك قصيدة

5 . شنو تفرق بنت الجنوب عن بنت بغداد
لا ابد .. ماكو هيج مقياس
الانسان يقاس باخلاقة
6 . شلون سجلت بهذا المنتدى
عن طريق الصدفة .. ابحث بالنت وظهر امامي المنتدى وسجلت بي .
اني قبله جنت مسجل بهواي منتديات منهن
منتديات ستار تايمز بس ماحبيته ابد .. المنتدى هوسة كلش .
منتديات الشاعر رياض الرسل وناشر بي العديد من القصائد الحسينية
وهواي بعد منتديات ناسي اسمائهن ..
7 . اذا صارت عندي مشكلة عشائرية
ورادو مني كعدة وجبت ناس بس شيخ ماعندي يحجي .
تكدر ادبرها وتاخذ دور الشيخ وتسولف وتحل المشكلة لو مدبرها .
شيوخ قبل لو شيوخ وكتنا الحاضر .. ؟؟
8 . تعرف تسوق حصان
لا ماراكب خيل قبل ولا اعرف اركب .. لان ماكو خيول عدنا ؟
9 . من دخلت للموضوع لكيت سامر هنا ديكلب بالردود مالتك واجوبتك
برأيك عن شنو جان يدور ؟
مو شرط يبحث عن شي .. يجوز يحب يطلع او يتابع !
10 . تكدر تشيل كونية طحين وتمشي بيها كيلو متر .
منو الاثقل كونية طحين لو جيس سمنت ؟
اني ياما شايل جياس سمنت ..



وهم ارجعلك ضلعي

هلا بيك ضلعي

[فضاء.]

احمد بعدلك كم سنة وتاخذ الماستر؟

شنو السبب الخلاك تكمل الماستر مع انو ماكو تعيينات؟

برأيك ليش الله سبحانه وتعالى خلقنا؟

[رمـْـْْـْــــــــآڊ]

مرحبا ... احمد
...
1- يكولون الحرمة بشارب الخير .. حدث وان ساندت انثى بحاجة لك ؟ وشنو كان شعورك؟
2- اذا انطيتك رمانه وتفاحة منو تاكلها اول ؟ وليش
3- شنو سبب هدوء نيكوتين ؟

[الملاذ الاخير]

احمد بعدلك كم سنة وتاخذ الماستر؟
اني ماخذ الماستر صارلي تقريباً سنتين ..
شنو السبب الخلاك تكمل الماستر مع انو ماكو تعيينات؟
كل انسان عنده طموح وهذا جان طموحي .. وندمت عليه
لان ضيعت فرصة العمر من ورة الماستر ..
برأيك ليش الله سبحانه وتعالى خلقنا؟

بسم الله الرحمن الرحيم
« وما خلقت الجن والانس الا ليعبدون »
صدق الله العلي العظيم

يسلموا فضاء

[الملاذ الاخير]

مرحبا ... احمد
...
مرحبتين ابراهيم
1- يكولون الحرمة بشارب الخير .. حدث وان ساندت انثى بحاجة لك ؟ وشنو كان شعورك؟
ساعدت هواي ومنهن طالبتين ماجستير نفس القسم ..
وحدة من نفس جامعتي والثانية من جامعة البصرة راسلتني ع الماسنجر .. الدارس ماستر يعرف شنو قيمة الحاجة وقيمة من يساعدك
والحمد لله هسة وبعد اي شخص يحتاج مساعدة راح يلكة ايدي اول ايد للمساعدة .. لان احتاجيت مساعدة هواي خلال دراستي ومحد وكف وياي ابد لو بمعلومة وحدة .. الحمد لله والشكر اعتمدت على نفسي وكملت ..
2- اذا انطيتك رمانه وتفاحة منو تاكلها اول ؟ وليش
الرمانة .. لان احب الرمان
3- شنو سبب هدوء نيكوتين ؟

الحفاظ على كرامتي .

ممنون

[رمـْـْْـْــــــــآڊ]

الحفاظ على كرامتي .

ممنون

1.على طاري الكرامة هم اتعرضت لحالة ابتزاز بحياتك ؟
2. لو كتلك رماد مو خوش انسان تتغير نظرتك عنه لو تعتمد على حواسك ؟
3. شلون نكدر نغير افكار شخص عنود ؟
4. من تغضب هم تطلع حركتك بشخص ثاني ؟
5. هم جربت تاخذ دور الصامت من تصيرلك مشكلة؟

[الملاذ الاخير]

1.على طاري الكرامة هم اتعرضت لحالة ابتزاز بحياتك ؟
لا ..
2. لو كتلك رماد مو خوش انسان تتغير نظرتك عنه لو تعتمد على حواسك ؟
مشكلة مجتمعنا هاي .. شيسمع يروح يسولف صدك جذب مايدري اهم شي يسولف ..
اكو حديث او قول لاهل البيت عليهم السلام يكول : شوف بعينك وجذب نظرك .
اني ما اقتنع بكلام الناس ابد ..
3. شلون نكدر نغير افكار شخص عنود ؟
كل انسان نقطة ضعف .. اذا هو عنود اصير اعند منه
4. من تغضب هم تطلع حركتك بشخص ثاني ؟
خوية مشكلة العصبية .. اني جان والدي عصبي كلش الله يرحمة فتعلمنا منه العصبية
جاي احاول ابتعد عنها قدر الامكان .. مرات اكو شغالات تجبرك تصير عصبي .. اي والله هواي مرات مطلع حركتي بغير شخص .
5. هم جربت تاخذ دور الصامت من تصيرلك مشكلة؟

هواي من المرات .. لان اكو مواقف مرات نسويها احنة مافاهميها ولاكين الها تفسير .. شلون نريد نجاوب ونقنع غيرنا بيها ..!!!

[رمـْـْْـْــــــــآڊ]

هواي من المرات .. لان اكو مواقف مرات نسويها احنة مافاهميها ولاكين الها تفسير .. شلون نريد نجاوب ونقنع غيرنا بيها ..!!!

شكرا لسعة صدرك