المشاركة الأصلية كتبت بواسطة فقار الكرخي
رجعت
هذني كم سؤال
1 . شنو الشغلات المو حلوة بيك
اشو شفت ردودك كلها تمدح بنفسك
من مدح نفسه ذمها .. اني ما امدح بنفسي بس واعدتكم احجي صراحة وبدون تملق ومجاملات ..
عصبي ومتسرع في بعض الاحيان ..
2 . اعتبرني رئيس وزراء العراق
واجيتك اريد احقق مطالبك
شنو مطالبك ك عراقي
مطالبي مطالب الشعب .. يعني الشعب هسة شيريد غير توفير ابسط حقوق العيش الكريم ( خدمات ، تعيينات ، امن ).
3 . برأيك شنو يحتاج البلد حاليا ويصفه
يحتاج للكثير والكثير .. يرادله هواي شرح .. ان شاء الله اشرح بنهاية الموضوع .
4 . شنو رأيك ب مقتدى الصدر
.. اذا احجي صراحة راح اجرح بعض الاشخاص بالمنتدى لذلك راح امتنع عن الجواب .. ؟؟؟ ليس خوفاً بل حرصاً على زعل بعض الاعضاء هناا بالدرر .
5 . اذا حطوك رئيس وزراء
شنو اول شي تسوي
هذا هم راح اذكره بنهاية الموضوع ..
6 . انت ليش درست وتعبت
حتى تتعين لو حتى تكون انسان متعلم
الاثنين .. اجذب عليك اذا اكلك درست بس علمود اتعلم ..
7 . مالذي يبكي احمد الكرعاوي
انتة لا يغرك احمد الكرعاوي هذا الشخص المرح والمبتسم دوماً ..
اموت ولا اشوف دمعة امي ..
اموت مراراً اذا شفت دمعة لاي شخص .. وبالخصوص اذا كان كبير بالعمر او صغير وهو محتاج شي ..
اموت اذا اشوف شخص محتاج شي وما اكدر اساعده ..
اني اشتغل حالياً محاسب بمختبر تحليلات مرضية .. هواي من الناس ماعنده فلوس يسوي ابسط تحليل
او نخلص التحاليل مالته وكال ماعندي .. اني اشرد بهيج مواقف ما اتحمل ..
ما اتحمل اشوف شخص ذليل ابد ..
8 . احجيلي فد موقف طريف مر بيك
حجيته سابقاً وراح احجي من جديد..
في بداية السنة في الاول متوسط .. اني طاك الهدوم الجديدة وعلى اعتبر اول يوم دوام ونروح نستلم كتب
المهم المدرسة تبعد عن بيتنا كيلوا ونص .. احنة نروح مشي .. بطريق عودتنا من المدرسة شايل كتبي هواي توني مستلمهن وفرحان علساس مستلم الراتب
المهم وصلنا نص الطريق وكان الجو شته وماطرة الدنيا فكدامنا صار جيحة مال مي .. ورة ثواني ماحسيت غير اني عابر الجيحة وكتبي بالكاع واباوع لاصدقائي فاقدين من الضحك .. شنو الفلم يمعودين ..
ثاري ناطحتي خروف معبرني الجيحة
المهم لميت الكتب ومشينة نضحك ورة شوية حسيت برجلية وحدة خفيفة ووحدة ثكيلة ومن اباوع لحذائي واحد من الفردات طايرة الطركة مالته
9 . اشوفك متعمق بالدين ؟
وتعرف ان الذين يحكمون البلد من السقوط ولحد هذا هم اهل الدين
وفشلو في ادارة البلد
السؤال
متشوف ان التعمق في الدين يقود الى الفشل والمجهول
امنيتي اكون مؤمن ملتزم دينياً .. وجاي احاول قدر المستطاع ابتعد عن الشهوات ..
الجماعة لا يمدون للدين بصلة .. الجماعة ارتدوا قناع الدين وباكونا باسم الدين ..
10 . عدد افراد الأسرة وتسلسلك
والدي متوفي ..
والدتي الله يحفظها
واخوتي 8
واخواتي 2
اني ترتيبي قبل الاخير
والوحيد حالياً المامزوج ..
وهم ارجعلك ضلع
اوك يعني اكو امل
؟
