المشاركة الأصلية كتبت بواسطة فقار الكرخي
نورت ابو شهاب
وعندي كم سؤال
النور نورك فقوري الورد
1 . مصرفك شلون مدبرة يعني تشتغل
لو جماعة
والله خوية راح احجي الصراحة كما هي ..
4 سنوات البكلوريوس اني اشتغل عماله 3 ايام بالاسبوع .. لان قسمنا عدنا يوم اوف الخميس .
بس الماستر يختلف ماكو مجال عندي بس الليل واقرا بي لان اني داومت بغير محافظة ويومية اروح وارجع
المهم ساعدتني والدتي اللي تملك راتب تقاعدي اللي كان يادوب يكفيني ومساعدة اخوتي اليه ..
الفضل لله ثم لامي واخوتي .. الحمد لله والشكر
2 . عندك علاقة حب لو لا
اخاف من علاقات الحب مو كودن تجرحني اليه او اي موقف يصير بس اخاف ع الشخص المقابل خاف يتعلق بيه ومااكدر اخذه لان ضروفي جانت كلش تعبانة وتعرف انتة جنت طالب وكلشي ماعندي .. فخفت عليه مو على نفسي .
3 . تصلي وتصوم وتخاف الله من صدك
لو هيج بس شكليات
اني ترة شخصيتي بالدرر وبالنت وبالواقع نفس الشخصية اقسم بالله
لا اتصنع ولا اتكبر ولا احاول اكون غير انسان
الصلاة الحمد لله بس مطلوب صلاة لان مريت بفترة ابتعدت عنها والصيام كذلك هم مطلوب .. وشايللهن هم .
4 . برأيك شلون يكون الشاب العصري
شلون مايريد يكون خلي يكون .. اهم شي علاقته بربه طيبه .. وثم بالوالديه .. ثم حدود الاخرين ..
5 . شنو اليلفت انتباهك بالمرأة
اخلاقها واسلوبها وجمالها
6 . انت شنو مستفاد منك العراق
حالياً مامستفاد مني شي .. بس لو امنح الفرصة اسوي المحد مسويه .
7 . عندك استعداد تموت من اجل العراق
واتشرف بهذا الشي .. ولو والدتي جان عفت دوامي ورحت اقاتل
8 . من وين تستمد الهامك
الواقع يجبر اي شخص
9 . تصرفاتك هنا . نفسها بالواقع لو تختلف
اذا تعاشرني بالواقع لحظة ماتعوفني
10 . تكدر تنطي كل واحد طينتة بخدة على كولة اهلنا . بدون متخاف
يعني كل بشر عنده سلبيات اكيد احنه مو معصومين .
والاسماء هي
اركي .. الصراحة جنت اشوفه متكبر وثكيل ع المعدة على كوله اهلنا ..
بس المرات تحكم ع الشخص بدون معرفة وهذا شي خطأ .. دكتورنا انسان راقي واله كل الاحترام والتقدير ..
سوسن محمود .. انغثيت منها مرة ست سوسن بموقف معين
بس طبيعتي شكد ما اضوج انسة ورة دقايق .. وردة ست سوسن
نايا .. الاخت والصديقة العزيزة
سامر .. بس وجودنا بالمنتدى بفضله والفضل لله .. هذا شي يكفي
شكرا استاذ سامر على كل شي ..
اني حجيت عن الجميع بصراحة مطلقة .. واللي ينغث من كلامي خلي يعاتبني ويفرغ اللي بكلبه
احسن مايضل شايل عليه
وراجعلك ضلعي
)
