هنا

[warda]

السلام عليكم حبايب
وجمعه مباركه على عيونكم الحلوووووه
طبعا هذا الموضووووووع دا نلاحظه منتشر بصوره مو طبيعيه
والنتيجه
طبعا راح انطيكم النتيجه بحكم مهنتي
كوني مصوره شعاعيه
واي مريضه تجي اسئلها انتي حامل
والصدمه من تجاوبني وتكولي
انا مطلقه!!!!!!!!
واسئلها من باب المزاح انتي يا مواليد
لانها مبينه اكبر مني ماشاالله
وانصدم من تكولي انو مواليدها من 89 وصعودا يعني لحد 95
مع كل اسف هاذي نتيجة الزواج بفتاة ازغر منه باكثر من سبع او عشر او 15 سنه
المهم
المهم
المهم
تعالو نشوف لويش الرجال يتزوج بنية ازغر منه بهواي
وانا اعتبرها جهل
مع احترامي للموفقين بهل زواج

اول شي
لانه يريد يعجنها ويربيها على كيفه يابه شتعجن منها بهل زلك خاف هيه تعجنك وتشوفك نجوم الظهر
طبعا اعرف ناس تزوجو واستطاعو ان يأثرون ع البنيه ويمشوها على مرامهم
هاي خوش سالفه
بس تره اصابعك مو كلها سوه عيوني
احتمال تطفشك بيوم وليله

الشى الثانى
علاقتها مع اهله من تصير مشكله يطلب منها انها انو تتنازل عن كرامتها وتعتذر حتى لو مو هيه غلاطانه ليثبت امام اهله انه رجال ويمشى كلمته على زوجته وطبعا اهله يفرحون
بالعافيه على اهلك عيوني


والشى الثالث
كدام اصدقائه يسوي العزايم ويسهر للفجر حتى يثبت لاصحابه انو ماكو مره تمشى كلامها عليه
حتى من تصير عنده ازمه ماليه طبعا الزوجه المطيعه مع زوجها فى الحلوه والمره حا تبيع ذهبها لانه ح يعوضها ويشتريلها بعدين
ههههههه
الله يعوضج الصبر الجميل
ايسي حبي
ماكو ذهب احتمال بس محبس


والشي الرابع
ما تطلعين حبي الا يوم فى الاسبوع والمره العاقله تكعد تربى اطفالها موحاطه عباتها على كتفها وتفرفر كل بيت
يعني ياكل بعقل المسكينه حلاوه لان هوه متعاجز يطلعها هل اسبوع


طبعا هاذي كم نقطه ع الماشي
والله لا يشوفكم النقط الباقيه
وهاي فائدة البنيه الزغيره بالنسبه لهل نوع من الزواج

اتمنى انو يكون موضوعي عجبكم
تحياتي واحترامي الكم حبايب

[August]

عزيزتي الغاليه ورده وهاي الج مني احلى ورده وتعالي اناقش الموضوع اني وياج
لان مهنتج قريبه لمهنتي تقريبا واثنينا محاطين بجوهر المشكله .. هو الموضوع تفسيرة يطول بس راح نختصر
حضرتج اصبتي الحقيقه في كبدها تماما ..
احنا مانكدر نلقي اللوم على الرجل فحسب يمكن هاي قناعته وما يعجبه هو لان بعض الاخوة يتحججون بمنطق
الرجل سيد البيت والرجال قوامون على النساء وبعضهم يمارس دور ( سي السيد) حتى يحسب نفسه صاحب شخصيه واله هيبته طبعا

المهم .. هنا الضحية المسكينه هي البنيه الصغنونه ختيه توافق على رجل اكبر منها عالاقل ب 10 سنوات وكلها امل
ان ينتشلها من واقع مرير اذا كانت سوء معاملة اب او اخوه اكبر منها او ؟؟ اشياء اخرى
واذا وافقت طبعا راح تنصدم بان الطريق الي كانت تحلم تشوفه كله ورود يتحول فجأة الى جمر وجهنم
وانوب تحاول ترضي هذا وذاك وتوكع بمطبات ومصائب من وره الزوج المتحكم واهله والناس!!
اني القي اللوم على عائلة البنت وخصوصا امها الي رمت بنتها بمصير مجهول ما تعرف نهايته وصدكيني اكو عوائل بس ما تريد تتخلص من ثقل بناتها وخصوصا الما متعلمات والمايكدرن يطالبن بتحقيق ذاتهن
وهذا المجتمع وهذه حقيقته عزيزتي .. تثقين بالله لما اسمع انه صديقة او قريبه ولدت بنيه احزن كل الحزن عليها ويمكن هذا شي رجعي وجاهلي
بس على كد ماكاعدين نشوف شيصير عالبنيه من ضيم وسلب حقوق واضطهاد
طبعا مو كل البنات حظهم بالزواج متساوي
بس احنا نعاني من المشكله الي طرحتيها ياورده ومع الاسف الواقع مؤلم
تقبلي مروري وعذرا للاطاله

[رحيـــل]

الله شنو هالسعاده العايشها هالرجل المثقف ثقافة بكد حجم عقله
حبيبتي اتريدين ان اسرد لكم النقاط المتبقية اخاف مابيج حيل اساعدج

[warda]

ههههههههههههههههههههههه يا بنااااااااات المشكه اول وتالي بالرجال لان هوه ابو الانه وهوه الراح يخطب مو البنيه مو صح حبيباتي
بس احتمااااااال انو اني راح اخرق القاعده واخطب لنفسي رجال ههههههههههههههههههههههههه ههههههههههههههههههههههه تحياتي الكم حبيباتي وشكرا للرد الحلو

[warda]

شكرا عزيزة كلبي سرااااااااااااااوي هاج حبي

[warda]

جنونه حياتم منوووووووووووووره كبدووووش هاج حبي

[JAAFAR2012]

هذا الكلام بعيد عن الحقيقه العمر ليس له دخل بالموضوع اهم شئ التفاهم والانسجام . رأي الدين في زواج الرجل بامرأة تكبره في السن فقال مجيباً: "لم يمانع الإسلام ولم يحرم زواج برجل يصغرها في السن أو يكبرها في السن، وإن كان يجب أن يكون الفارق في السن بين الزوجين مقبولاً حتى يكون هناك انسجام فكري ونفسي بين الطرفين" وجود التكافؤ والتقارب بين الزوجين في النواحي الأخرى الاجتماعية والثقافية حتى لا يؤدي الفارق الشاسع إلى الانشقاق والعزلة الشعورية بينهما. تزوج الرسول محمد (صلى الله عليه واله وسلم) من السيدة خديجة بنت خويلد – عليها السلام – وهي في سن الأربعين بينما كان عمره – صلى الله عليه واله وسلم – لا يتجاوز الخامسة والعشرين ورغم هذا الفارق الكبير في السن بينهما إلا أنهما كانا أفضل زوجين عرفتهم البشرية على الأرض.

[Endless Queen]

وردة كلامك مزبوط 100%

[prïnċë häïdër]

ههههههههههههههه مو صحيح هذا الكلام

[warda]

شكرا عمووووو جعفر...لكن بالعراق وبالسنوات الاخيره هذا الي دا يصير بالفعل تحياتي الك اخي الفاضل...اصلا شباب هل وكت اول ما يسئل امه يكوللها يمه حلوووووه حتر ما يفكر بثقافتها لو شهادتها والاهم ميعرف اخلاقها بس من يردون يسئلون من يرحون خطابه وهذا فعلا الدا يصير بهل وكت تحياتي الك عيوني هاك وررده