هنا

[الملاذ الاخير]

الأحبك مالتك قل مستواها .. جديد الشاعر يحيى العلاق .. 2020




الاحبك مالتك قل مستواها
جانت حارة وبردت شجاها
جنت تكولها وروحك وياها
بعدها بداخلك واسمع صداها
ليش اختفت بيها لهفة الشوك
لا رجفت كلبي ولا هواها
انتة تحبني .. اي !! والله اكره الاي
من تصير كلمة ورد غطاها
احس كدامها حجاية التنكال
واحس جفيان شر واكف وراها
المن سمعتها بمذهبك كول
واسويلك تنازل للخذاها
هاي الكلمة من تنكال لاثنين
بعد متفيد تفقد محتواها
احس اختفت بيها لهفت الشوك
اليكلك احبك يعني للموت
مو كلمة ويحركها بشفاها
اليحبك لازم يعلم عنك الغيب
وعلم ينطيك بالخطوة الخطاها
الاحبك مالتك متبدله مو ذيج
ذيج انباعت وغيري اشتراها

بقلم الشاعر // يحيى العلاق .

[فقار الكرخي]

عاشت ايدك ابو شهاب

[حہيہدر الہبغہداديہ]

اختيار موفق قلبي يسلم ايدك

[انثى مخمليةة]

عاشت ايدك

[تّـفـاَصيلـٓ]

العلاق يحجي من قلبه
ملاحظة بس ترا القصيدة قديمة مو جديدة
شكرا احمد

[فقار الكرخي]

العلاق يحجي من قلبه
ملاحظة بس ترا القصيدة قديمة مو جديدة
شكرا احمد

موجودة بس مكتوبة
هسة احمد ضايفلها مقطع فيديو
وبهذا الشكل لاتعتبر مكررة