أجر لعيون كل ناحب وأجر فاه
ومنو الجيش شكد طوله وجر فاه
وهز العلكمي بمايه وجرفاه
ذليلة من بعد ذيج المسية
عند مصرع ابي الفضل العباس ( سلام الله عليه ) وقف الحسين ( سلام الله عليه ) على مصرع أخيه مخاطباً أياه :
جا والكوم ياعباس كصدت للخيم كلها
وانة فراكك اعماني وكل ضلوعي نحلها
واسمع زينب تناديك ماتنهض يكافلها
دنهض كوم يا مغوار وزينب لا تزعلها
عباس انهض شد الراية
عباس انهض شد الراية
ماتسمع يبو فاضل وانتة البلوفة معروف
سكنة وباقي الاطفال نار وعدة بيها تحوف
ياضرغام يالسيفك حتى الاعمى بيها يشوف
بخزرة عينك اكتلها وفنيها ارض لطفوف
عزمي انتة وبيك التجاية
عزمي انتة وبيك التجاية
بقلمي
أحــمــد الــكــرعــاوي
24/11/2019
رد مع اقتباس
