هنا

[فقار الكرخي]

بهتت لذة الوادم ،
وخضر طولك بعيني

ونشدتك يا رفيج الشوف ،
شمسوي لـ حلاتك حتى تچويني ،؟

و شمغني أوي غيرك ،
حتى ما أغنيك ،؟

يـ أول فرض بـ سنيني ،
أچذب لو گلت بالشعر ما أصليك

ولو هو الشعر لونك

يا مفتاح گلبي ،
العطش مو للماي لـ عيونك

أثاري الوطن : هاي الـ هلا الـ بـ عيونك

واثاري الجنه : گعده وياك و شلونك

صدگ يا صاحبي شلونك ،؟

أفرفح من تگلي بخير

أخضرلك سما وجنحان من يغبش بـ روحك طير

واحچيلك على الـ بيه ،
وأگلك شوف ،
هذا أنت ،

بـ شراييني ،
بـ روازيني ،

ضوه أوي الشوف ممتد ،
ياهو الـ أيفلك ،؟

دمع خاتل وره عيوني ،
تضيع و بالـ بچي اندلك

وتسامرني ،
وأصيح أفيش يـ أمعود ،
خطيه الـ مالهم مثلك

دخيلك هاكثر مشموس ،؟
هنياله الـ عثر يمك

أنه أ.من أشتاگ ما أدورك أبين الناس ،
أغمض جفن عيني وبيه أشوفنك

ولك يا سولة الشباچ ،
أنه بكل طيف اجيسنك

وانه بكل سكته تجزي الروح اهيسنك

هذاك انت ،
دوه لـ جرحي

أمس گالوا عليك تراب ،
لاچن چذبتهم و أحلفت برحي

يكون العمر ما بيه ناس ، بس انته

و يكون الگلب ما يرتاح ،
اذا منك تجي علته






جواد زغير

[انثى مخمليةة]

رائع.....

[سمراء من قوم عيسى]

الله

[الملاذ الاخير]

جميل جداً .. عشت فقوري