السلام عليكم ..
اليوم استلميت الفيزا الكترون بعد معناة 6 اشهر تقريبا ودفعت 100 دولار تامين يلة نطتني البطاقة
ودااحااول ادفع بالانترنيت لكن كاعد تنرفض اكثر من مرة جربت
وحبيت اسئلكم
اكو بالموقع الدفع يطلب
الاسم الاول
الاسم الاخير
كارد نمبر = رقم البطاقة موجود ع البطاقة 16 رقم
تاريخ النفاذ موجود ع البطاقة
CVV2 Code = خلف البطاقة اكو رقم بي 3 ارقام
Card Address = مدااعرف شكتب ؟ عنوان لو شنو ؟؟ اني عناوني بالمصرف عربي وحلة وزقاق شنو اترجمة واخلي؟
Card Zipcode = هذا هم ماعرف شنو شغلتة ؟
اتوقع ان بطاقتك تستخدم فقط لحسابك الشخصي فى البنك بما انها فيزا الكترون ويمكن استخدامها فى نقاط البيع او الدول المجاوره ان كان بنكك مشترك بهذه الدول
وهذا شعارها
اما البطاقات الاتمانية العاليمه فهي مثلا ماستر كارد او فيزا كارد او امريكان اكسبريس وغيرها من البطاقات الاتمانيه وهي بطاقات تدفع لها رسم سنوي وتمنح لك بمبلغ يؤمنه الشركات العالميه ويتراوح من 500 دولار والى مئات الالاف حسب قوتك الاتمانية والضمانات المقدمة من البنك المانح وهى الشركات التي ذكرتها وبموجبها يقدمون لك قرض بصورة مبسطه لمشترياتك ولا يؤخذ عليه اي فائدة فى حالة سدادك خلال 28 يوم اما فى حالة السحب الكاش فيؤخذ منك فوائد شهرية بقيمة 4 % وهى ما يتعامل به الانترنت للمشتريات
وهى تكون بالشكل التالي
شوف عمري .. اني استخدم بطاقة الفيزا مال مصرف الشمال، .. و ماكو موقع رفضها لحد الأن
هذه الـ (فيزا الكترون) منين جبتها ؟
على أية حال
المعلومات اللي يتم طلبها عادة و لازم تمليها هي:
اسم حامل البطاقة: حقل واحد تخلي بيه الاسم اللي مكتوب عل بطاقة مثل ما هو
رقم البطاقة التسلسلي: تخللي بيه الرقم الطويل اللي موجود على وجه البطاقة
كود الامنية cvv2 او مهما كان اسمه، هو كود مكون من 3 ارقام ومكتوب على ظهر البطاقة
تاريخ النفاذ: كذلك راح تلكاه على وجه البطاقة الأمامي
هذه المعلومات تدققها وتسجلها عندك بفايل نصي بحيث كل مرة تنسخ و تملأ الحقول
اما العنوان، zip code او غيره، مو مهم شتكتب، بس عموما لازم تختار (العراق) ما دام صادرة من مصرف بالعراق
ممكن أنه بطاقتك هذه يتم رفضها بسبب نوعيتها، او ممكن أنه الموقع اللي تحاول تدفعله ما يستقبل بطاقات عراقية، شوف رسالة الخطأ شنو مضمونها
هذا اللي اعرفه .. تحياتي
شكرا ع الردود اخواني ،، شكرا سامر
نوع البطاقة الي اسخدمها فيزا الكترون من مصرف بغداد وحسب من عرفت من المصرف وعرفت من بعض المقالات على النت انه هي عالمية وتقبل الدفع باكثر من دولة
البطاقة من مصرف بغداد ،، وداادفع في موقع hostgator للأستضافة ،،
البطاقة مو عراقية ماكو بطاقة عراقية كلها تستخدم وكلاء شركات يعني وسيط بين الممصرف وبين الشركة العالمية
من دااخلي المعلومات يطلعلي Your credit card was rejected. We were unable to process your credit card.
ومااعرف السبب ،، هل هو بسبب التفعيل ؟ يجوز يعني يتأخر التفعيل مدااعرف هل هناك موقع ادخلة واعرف معلومات عن مصدر البطاقة او اصيد الي بي ؟
حبي الموقع الي ادفع بي خال مربعيناسم حامل البطاقة: حقل واحد تخلي بيه الاسم اللي مكتوب عل بطاقة مثل ما هو
FIRST NAIM :
LAST NAME :
اني الاسم الموجود على البطاقة : ABDULA KREM
FIRST NAIM : ABDULA
LAST NAME : KREM
صحيح هيجي ؟
وطيب بالنسبة للرقم الي كتلي عليه 16 رقم
اخل كل اربع ارقام واخلي فراغ لو لزك ؟ يعني هيجي ؟ xxxx xxxx xxxx xxxx لو هيجي xxxxxxxxxxxxxxxx
وايضا اخوي شكد طولت عندك يلة طلع مصرف الشمال الفيزا كارت ؟؟
المشاركة الأصلية كتبت بواسطة عبدلله العراقي
اول شي .. البطاقة تتعامل وياها انه هي عراقية .. يعني دائما تكتب (العراق)
اسم حامل البطاقة .. عادة يكون حقل واحد طويل، التفصيل عادة (اسم اول، اسم ثاني) ما يكون بمعلومات الـ billing نفسها، ممكن يكون بنموذج التسجيل او غيرها
على اية حال
الرقم التسلسلي تخلليه مستمر بدون فراغات
اني استخدمت هذه القواعد طول فترة عملي وية (بطاقة الوركاء، بطاقة الشمال، بطاقة اردنية من المصرف الاردني الكويتي)
هسة الحل.. خللي يوللي مصرف بغداد، و طلع بطاقة اما من مصرف الشمال (بشروطهم السهلة) او من مصرف TBI بشروطهم الـ (اصعب) نسبيا، بس همة الأصل
الفترة مال البطاقة، 15 يوم على حد علمي تصدر
تحياتي
اي والله خل يولي مصرف فاشل بمعنى الكلمة ،، كلها بجفة ومن اسئلهم يكولون منعرف ههههههه
راح احول ع مصرف الشمال والله كريم ،،
زين اخوي شنو تفاصيل الاشتراك شكد بيش ؟ اشو حاولت اخابرهم لمصرف الشمال مد ااحصلهم
تامينات شي ؟ تكلفة اصدار ؟
وسؤال اخر عيني سامر ولو اضوجك ،، مصرف الشمال هم عدهم سالفة سقف ائتماني يعني متشتغل البطاقة او متكدر تدفع الة عندك بحسابهم مبلغ اكثر من 200 دولار
لو عادي بكيفي اكدر اخلي مبلغ اقل مثلا 50 دولار لان اني بس اريد اشتري مثلا برامج موبايل ب5 دولارات
اتصور 100 الف (او 100 دولار) بضمنها كلفة الاشتراك بخدمة الفواتير عبر الموبايل، تفتح يمهم حساب مال بطاقة بصورة اعتيادية، مستمسكاتك و ملاعيب العيد، (هاي روحة للمصرف) ، الروحة الثانية تجي تستلم بطاقتك و تخللي بيها ييها رصيد بنفس الوقت، ، مدة الاصدار حوالي 15 يوم أتصور او ممكن اقل،
تأمينات ماكو .تكلفة اصدار مثل ما كتلك 100 الف عراقي او 100 دولار تندفع مرة وحدة، التعبئة تصير بالحساب مال البطاقة خلال نص يوم (او يوم) ..البطاقة شغالة بكل الموقع، و على هوست كتر بالخصوص مجربة
ممممم .. اني مخللي بيها بحدود 1000 دولار مرة وحدة، ..و ساحب منها 700 دولار مرة وحدة، يعني هذه اكبر مبالغ، و دافع منها على دولار، او 5 دولارات، او 100 دولار ،
تكدر تبقى تدفع من البطاقة ، لحد ما تصرف حسابك بيها .. ماكو داعي يبقى بيها اي شي
أقل كمية تريد تعبيها ؟ ممم .. ما ادري .. اتصور 100 دولار .. علمود تسوى الروحة
تحياتي
شكرا على المعلومات رحت لمصرف الشمال وسويت المعاملة اخذو مني 110 الف دينار
وكلولي التعبئة تكون بالديناؤ العراقي
وكالو تعال ورة 23 يوم
رد مع اقتباس