الليلة شح الهوة ...!محتاجة احجي الوجع !
بس حايرة ويامن
مابين اصفن واحن
ماادري من العتب !
كبلي الصور نامن .
الليلة شح الهوة ...!محتاجة احجي الوجع !
بس حايرة ويامن
مابين اصفن واحن
ماادري من العتب !
كبلي الصور نامن .
مشتاق اشوفك تبتسم
واشبع حجي وياك
يل خذت مني النفس
متكلي وين الكاك
يا سوله وطـن ما ينـفهم صبحه !
أميزه من الـمتن چـَي بي أثر تابوت ..
وأشم عطاب گلـبه اليـاكل بجرحـه '
يل جفك شـعرضه ووجهك مـرايه
شبابك أسست بالمگـبره ولايـه "
خذاني الريح وانطشيت صمّ أَحلام يَم حزني
انه المحد فِهم حِزني
انه نسمة هوى ومنثور مامش ريَّة تفگدني
شوفولي الولد زعلان؟؟
متعمد يأذيني؟؟
اول مره اصيحه افلان
يسكت مايحاچيني !!
آآخ ومن عمت عيني
يمه اشماخذك للموت ؟
يل موبيك يتعيب
گبل لاتندفن يمه انتبهت الوالدك شيب ؟
من العماله لتابوت
بعدك كل شي ماشايف؟
يمه الليله وحشه اعليك
وادريبك نمت خايف
ضلمه وبعيده ووحشه الگبور
ودمك فزع للگاع ناطور
ويلاخ يـ المتعود اتزور
الليله الظهر والگلب مكسور
ما اقبل احبك وانت ما مرتاح
وما ارتاح احبك وانت ما تقبل
بكيفك من اجيت وما جبرتك يوم
وبكيفك ما اجبرك لو ردت ترحل
ما مليت منك واكدر ابقى وياك
بس المشكلة خاف انا راح انمل
حبيتك حبيبي وادري كلش زين
حب من طرف واحد وانا راح افشل
التعديل الأخير تم بواسطة أمير الأحلام ; 1/December/2019 الساعة 5:09 pm
ياعصر الفواتح يا زمان المـــــــــــوت
كافي من الذبح مو ناس ما ضلت
..
ضاكت كاعنة من اكبــور فوك اكبور
فوك اكبور اهلنة اكبورنة اتعلت
...
شلع كلبي بلادي .... من هويته
وخنكني ابضيم واشتم .. من هويته
العراقي الصح تعرفــــــه ... من هويته
صوره ومنختم غيره وحميـــة
ريبه وكثر وهواس والحيره زادت
بين الكلت والكال وادمنه تاهت
گلبّت كل الدرابين القديمة
الـ تهّت بيهن وحيد
ودورتهن خطوة خطوة
ردت الگالي طريق
يگودني لـ روحي الغريبة
وماكو كلشي
صعبة كلش من تدورلك
مكان تريد تبچي ..