ابوذيات
ذيب العوز بيه ايصيح . ويعاه
ولا صاحب يفسر الحال . ويعاه
امنصيحن اه كله اتصيح . ويعاه
امنضم الأاه نار تصير بيه
الجرح بجفاك هد حيلي ولمني
واكابر عالجرح كوه ولمني
تعال تريد طشرني ولمني
ولا تعمل عملتك هاي بيه
يروحي امعلكه وجنج بجالي
بجيت وماشفت واحد بجالي
رمح بايج ترء ابظهري بجالي
اخوي وشمت العذال بيه
حاه ابحاه اخلص العمر مسحاه
جفن عيني ذبل من كثر مسحاه
تولاني زماني ابربد مسحاه
اشمريد انهظ يحط طكات بيه
امس بالطيف شفت الولف صحتاه
يسئلني على كلبي شلون صحتاه
كطع عني النفس ونوب صحت اه
وعلي بهجرك تشب نيران بيه
تراهو من الذهب كلبي منصفاه
وي ناس الماشفت بالحك منصفاه
بعد ماريد عشرتكم منصفاه
صفيت الهم وانه الصفنات بيه
مثل ميل الســــــــــفينه اوياي ،،، مالات
الدنيه ورحــــــــــي من الضيم ،،، مالات
يهل تنشد تراهــــــــــــي الروح ،،، مالات
بواچي ولطم مـــــــــن تجبل مسيــــــه
رد مع اقتباس
