ليش الناس من طهران تتنفس
بعد ما اسكتلهه وليصير يصير
ويطبه مرض ليريد يتحسس
الهوه هذا اشحلاته ايخبل ابغداد
ليش الناس من طهران تتنفس
وادم تختنك من عنبر المشخاب
وعله ثوم العجم فدنوب تتونس
وين المو اصيل المنحط الديوث
الكدام الاجانب ظهره يتقوس
الضماير ماتت وسولهه استخلاف
والذل والهوان براسهم عرس
يمهم علوطن لو سولفت سموك
بعثي وخائن وبيناتهم مندس
وصهيوني وعميل وماتحب الكاع
وهمه اهل العراق وانته المجنس
انه حسبالي ذيل الجلب انكس شي
شو طلعت اذيول ايران بعد انكس
قاسم مشترك مابين كل جيران
حقيقه وبلمدارس جاي تدرس
وانه جاري قاسم عدنه بس موهيج
احنه البينه اسليماني ومقدس
بسكم بكتو تعبي الاغا مو ناطور
انه الحرس كاعه وجفنه ما نعس
انه الحنت زفافه ابجفه لمن مات
انه الرادته الكاع وراح ماغلس
انه العلسواتر دم اخوي الطاح
وانه الجاب ثاره وانتشه وهوس
ليش اتريد تذبح ركبتي اشسويت
كتلك راسي حر وتاج ماالبس
من كالو مهندس كلت يبني البيت
شو شفتك بهدم البيت تتهندس
ياجيراني كيف لا تزت جاسوس
ابن البيت ضل علبيت يتجسس
اليغثه الحجي خل يعذر الغثاه
تره الشاعر من الله مايصير اخرس
رد مع اقتباس
