هنا

[tahseen alswad]

أمسه العالم ايعيش إبظلامه الشاعر الأديب الحاج جابر الكاظمي أمـسـه الـعـالـم ايـعـيـش إبظلامه ..... و إتغير نظامه هـالـلـيـلـه إنـفـگـد بـدر الإمـــامـــه غـاب الـعـسكري و نور المحاسن غاب ..... بحجور المصيبه مـثـل عـمـه الحسن بالسم دليله ذاب ..... و امسجر لهيبه و أمـسـه الـعالم ايموج ابحزن و امصاب ..... و الحاله رهيبه لـيـلـة فـاجـعـه و ليلة نوايب ..... بدر الحسن غايب و دســتــور الــشــرع فــاجــد وسـامـه يـم دار الإمـامـه اتـجـمعت هالناس ..... و اتصيح ابحزنها راح الـحـسـن راح الـلي رفع نبراس ..... للأمه و سننها سـمـه الـمـعـتـمد ترثت بني العباس ..... لا تنشدني عنها مـا تـعـرف عـهـد حـفظ الأمانه ..... عاشت بالخيانه مـا تـمـلـك ولا ذرة كـرامـــه غـدروا بـالـحـسن و العالم ابها اليوم ..... مذهول و ينادي هـالـلـيله گضه ابسم الغدر مسموم ..... ظنوة علي الهادي أهل بيت الوحي اتعيش ابكدر و اهموم ..... و مبتشره الأعادي غـاب الـعـسـكـري ابكهف المنيه ..... و من ثقل الرزيه أصــبــح كــل گلــب شــاجــر ظـلامـه إجـتـمـعوا كل رجال الشيعه و المله ..... من فگدوا أملهم لـن يـحـضـر طفل للمدمع إيهله ..... و حين اللي وصلهم صـاحـوا مـنهو هذا اعله النعش صله ..... لن هاتف يقلهم هـذا الـمـهـدي نـامـوس الشريعه ..... حاضر بالفجيعه و هــذا الــمــنـهـج الـعـصـمـه خـتـامـه حـضر يم گبر أبوه ابدمعته المهدي ..... صاح اهضمني فگدك يـبـويـه و ريت گبلك ينحفر لحدي ..... و لا ينحفر لحدك عگبـك يـالحسن منهو بعد عندي ..... اشيسوه العمر بعدك هـالـلـيـلـه ابـجمر حزني و عذابي ..... راح أعلن غيابي و أظـهـر لـو بـدت آخـر عـلامــه الـمـهـدي ابدفن أبوه العسكري شفناه ..... يرزح بالمصايب و حـيـن اللي كمل دفن الأبو ابمثواه ..... لن المهدي غايب جـمـرة غـيـبته و لوعة هضم فرگاه ..... راوتنه العجايب ظـلـيـنـه بـأمـل ساعة ظهوره ..... و نترقب حضوره و اعــلــيــنـه الـصـبـر شـاهـر حـسـامـه طـالـت غيبته و ظلت مهج و اگلوب ..... مهمومه و حزينه و كـل مـصـباح نندب يمته يالمحجوب ..... و تتلطف علينه نـظـل نحمل صبر يبن الحسن جم ذوب ..... فاض الصبر بينه يـا سـاعـه الـفـرج نترجه يومك ..... و نتامل قدومك بــيــنــه اتــلاهــبــت نــار الـمـلامـه

موقع القصائد الولائية

[ابراهيم حسن]

عظم الله لكم الاجر

[الملاذ الاخير]

اصبحت قصائد الابداع للاديب الاستاذ جابر الكاظمي من الذاكرة .. مع الاسف
الله يسامح اللي جان السبب بتفريق الحاج باسم الكربلائي والاديب جابر الكاظمي
شكراً ع النقل المميز ابو الحسن
وعظم الله اجورنا واجوركم

[tahseen alswad]

عظم الله لكم الاجر

احسن الله لكم العزاء.مـأجورين

[❤أميٰـر الہٰغـروبٰٰ❤]

شكرا ياغالي

[tahseen alswad]

اصبحت قصائد الابداع للاديب الاستاذ جابر الكاظمي من الذاكرة .. مع الاسف
الله يسامح اللي جان السبب بتفريق الحاج باسم الكربلائي والاديب جابر الكاظمي
شكراً ع النقل المميز ابو الحسن
وعظم الله اجورنا واجوركم

مــأجورين ومثابين ان شاء الله شكرا ع الحضور

[tahseen alswad]

شكرا ياغالي

نورت اموري