كاتب اسمچ بالقميص !
ماكتبته بلافته وينشاف همي
ياهو القرب لرصاصة امن القميص، الفيض دمي
ونتي زعلانه امن امس ،
ياحبيبه وغيض المحبين يتلاشه وتجي امغبشه الشمس
ويحچي وجهه الماحچه امن الضيم من كثر الرفس
وانه والدخان ونتي وچبدت عيوني ودمعهن والعلم نخلق عرس
ااخ
يالشمچ مسچ كاسر خنگتي
ابكل مسيل ايام روحي
ومن بعيد ايوسم التحرير شالچ من تفرعين الضفيره
من بعيد اتئملچ ودريچ حره
اولوهِلچ يرضون چا صرتي المثيره
اتناسه ويجرني البرد حد مشتهاتچ وانه فوگ المطعم التركي وقريبه امنيتي لله
چا شريد امن الوطن لو بس حلقتچ دابره ونيشاني احصله
والله لنذرلچ يجي الريل ابحمد يحسم رجعته
وبرگعچ من راية التحرير افصله
مصطفى الأشتراني
رد مع اقتباس