هنا

[فقار الكرخي]

اجت ونريدها من الله
وسمعنه طبولها التندگ
اجت والسيف اكل روحه
اشيصير السيف هم يزهگ

اجت ،
والخيل مسروجه تلوج
وتصهل وتشهگ
اجت ،
والشمس بردانه
ابشمسنا تريد تتمشرگ

اجت ،،
وارواحنا الطفله اعلى
جرف الموت تتمزلگ
اجت ،،
ها لسه ما جابت
اجت ها ها بعد تطلگ


واجيناها
لهب احمر !
اجيناها جحيل ازرگ !!


اجيناها
ركص فنجان
اجيناها لحن مطبگ
نسجنا اثيابها الجدد
نزعنا اثيابها العتگ
يهيچ احنا العراقيين ،
لو نعشك صدگ لو نضل ما نعشگ ..

يهيچ احنا العراقين
لو بالسمه انخيطه الشگ !!

تروط الگاع من نزعل
تطيح انجوم من نعرگ ..

انه من الضوة ما خاف
ولا گصة الالي تعرگ

وهو اصل الشمس فانوس جان ابيتنه معلگ
وهو اصل النخل مهيوب ما ذل هامته ودنگ

وراس اليدمن الطگات
ما يرتاح اذا فديوم ما ينطگ









كاظم خبط

[انثى مخمليةة]

عاشت ايدك