لاتخليني انفرد.


انت تدري بحلك اليجوعون
مفتوح اعلي جلمه اتريد
كون تكض غميص البير
وترسه نشد

شعجب ماجاسك برد

(هلبت الله ترد
خضار الروح والحضني ترد)

هلبت الله غيوم
عين الماهي صلفه
تمطر وتغسل اتراب
الغيض من وجه الورد

خاف باجر ماتعد

وتكودني الغربة دمعتي
الريعت منهه الخلك

شنهوذنب المات سکته
بسااع مایدری وشهک

اسال التعبان ويكول السبب

شنهي لذته الياخذ من النوم
غفه ماحوي اعيون التجويله التعب

ليش من احجيك يم الرازقيه
تسود وجوه العنب

او لیش سلّت وصلك
المتروسه بالحب تالي
فرهدهه العتب
من اغمض عيني اشوفك تمشي بالذكره وياحيفي

بلوه المك بالربيع تحوم تتبده وياصيفي
جارحك موسم خريفي؟

ونعم الله ابيوم شفتك گلت اشوفنه اعلى كيفي

مدري ليش ابراسي منجل

ياكل ابلب السوالف يل تحش بالنوم طيفي








هبه الطرفي