بوطنه الموت واجب عله الفقره
بوطنه العيشه مره
بوطنه الموت واجب عله الفقره
يا وطن عاف ناسه وحار بأمره؟
يا وطن طفاله شمعه وشعل جمره؟
يا وطن چفيته حمره؟
بوطنه العيشه حسره
بوطنه تنام جوعان
وتحلم بسفره
ويندفن حلمك
وتعيش كل عمرك بحفره
كصو مراجيح الطفوله
حته لا من نكبر نسوي الدوله حره
حته لنسوي حدايق كون كل الدنيه صحره
بوطنه الفقره موته
بوطنه
كلمن ينذبح كدام اخوته
بوطنه النايم يبوكون صوته
يا وطن فرغه بناسه واهله قوته؟
يا وطن عاف الترافه وكام ينطي لشعبه حوته؟
يا وطن ساكت وراضي بسكوته؟
بوطنه اليشتكي مرفوضه شكوته
عافو الذله وتعبهه
وكالو اليكبر ضروري نشوفه جبهه
بوطنه محد ياخذ الحبهه
محد يوصف الحقيقه واليوصف لازم انبهه
تره يكصون راسه اليحجي كلمات الحقيقه وكبل ذبهه
يا وطن رخه الحضاره وسوه ذل وگبل ضبهه؟
يا وطن مجد ايام السخافه والشجاعه بقوه سبهه؟
احنه بوطن محد يشبهه
وبوطنه الناس بس العيشه ربهه
حسين علي ﹾ
رد مع اقتباس