هنا

[فقار الكرخي]

ياشعب التكتك لا تخاف
عجزت من جرحك الاسعاف

ياشعب التكتك ضل صامد
صبرك ينحسْ ، وينشاف

إنقل جرحانا اعلى متونك
زغيّر والكل يهابونك
شيل اخوانك خيشوفونك
الطّـايح، عالحق ما ينعاف

يا وكفاتك وكت الازمه
من شعبك ضل ينزف دمه
اوكات المعدن هم زلمه
المعدن مثل الناس اصناف

ياشعب التكتك يا غالي
ألطّـٰاح بدمه يضل عالي
انه الموت اصلاً موالي
شلت حمولي بغير چتاف

ارميني شما بيك ارميني
ناذر للحريه اسنيني
دخانك ما يحرك عيني
اخمْد دخّانك بلحاف

نازل رايد اخذ حقي
ناذر هلعمر المتبّقي
بايك ديني وگاعي وعرقي
وتريد من الغاز نخاف

نازل وبقمصاني البيض
يبّين بيها الدم والغيض
ارفض كل منُحه وتعويض
بيّه تجمـع قهر اسـلاف








رضا الكعبي

[فضاء.]

الله يسهل هلأزمه علينه ويحفظ جميع إخوانا المتظاهرين والقوات الامنيه ويبعد عنهم الفتن ويردهم لاهلهم سالمين غانمين..