تفارگنه واجه أبالي
تفارگنه واجه أبالي
وتذكرني وتذكرته
وگضت مده اعله هل المنوال
الى ان وصل بينه الحال
وتلاگينه بال وبال
قبل عشرين جرحآ من الموت
قصة موتي بدأت عندما قلت له؟
صيح بأسمي
المو من شفافك نشاز
أسمي فاهي بحلگ غيرك
چن دعاء بصوت فد واحد غني
انت يالتروي كلشي
الماي التشربه يگلولة هني
وقبل موتي بدقة قلبآ واحدة
تذكرت ما دار بيننا بأول نظرة
غازلني
وچنت مااعرف شأگول
وهوه يگول؟
اختاري اي مراية گابليهة شتشوفين
انتي بيها مرايتج لو هي بيج
لم أقل شيئآ حينها
لم أكن من هواه الشعر يومآ
لكني كم تمنيت لو أنني الحلاج
لكي ألقي على مسامعه
ابياته التي تقول
يانسيم الريح قولي للرشا
لم يزدني الورد ألا عطشا
لي حبيب حبه ملك الحشا
ان يشا يمشي على خدي مشا
روحه روحي وروحي روحه
ان يشا شئت وان شئت يشا
ولم أكن من هواه الشعر يومآ
ولكني ذات خوف عيناه على متى سكون
تحرك مشاعر كل من التقى بهما
لعدم جواز التقاء الساكنين
ذات عناد فقلت له يامن تطلقون
على الذكر من ولد آدم بأدمي
لما تسمون بنت حواء بأدمية؟
كان من المنصف ان تسموها حوائية
تجاهل ما قلت
فقال؟
عذبة انتي كالفرات
اجبت
بل فراته
گال؟
الوردة انسانة يعرفها الحقيقة
بس المركز بوجهج دقيقة
گلتلة اسمعني
عيون الناس تحجي وانته
الك عين تصب نظراتها
براسي موسيقى
طريقي مكاسر بدربك طريقه
اريد انساك ما أملك طريقة
وصلت لحاله ذاك الجان وياك
ينطي بروحه مو بس بصديقه
گالولي يخونك گلت حاشه
گلبه انعم من جناح الفراشة
قال تمهلي
فالبعد ما بين كفك وكفي
ك ذاك الذي يود ان يرتوي من الماء
دون ان تتبلل شفتيه
يهنيالة اليكض ايدج كض
الدفى بيهن چبير الحظ
ثم بعدها قال
احضنيني
اود ان احتمي بين كفيك
اصابيعك كأنها حطب ابيض
قلت له انا لا اعشق من الشعر
سوى الفصيح
گال وحق ذاك الي بالخاتم تصدق
اسمعج ومضة ب لسان الفرزدق
واكتبلج شعر لحد مااملي الدنيا حبر
واترس ريتج بالحنية وعلى الوعد اصدق
قلت تمهل
قلبي مفخخ بالألم
اياك ان تقترب فتصيبك شظية حزن
مني
گال أعمى حب والناس مدري بيا شرع
يردوني افضه
الاعمى ما يملك بصر حتى يغضه
انه احب بنية صح من طين
بس مطلية فضة
م
رد مع اقتباس
