هنا

[فقار الكرخي]

يسألني المسؤول الوطني
المن نازل؟؟ المن طالع؟؟
و تتظاهر تهتف بالشارع
عندك شي ؟؟ حقك ما ضايع
هاك الدفتر..
سجّل ..دونّلي مطاليبك
لتحلم بي ينحط بجيبك
خير الوطن اليوم يصيبك

گتله احلم ما اعيش بغابه
و امشي وماهاب السلابه
انتخب الناس الي تمثلني
مو جاي بسرفة دبابه
احلم مسؤول يدگ بابي
مو انه اليشتلني أبابه

و احلم وطني يسد الباب
وميحط چفه بچف احزاب
ليش اكل تمن امريكي
و انه ازرع عنبر مشخاب؟؟؟؟!!!

ومن اتخرج أرد اتعين
و اخدم بلدي بماي العين
مو خريج وگاعد عاطل
و انته توظف من الصين
حسابك يوصل مليارات
و ما املك نص كيلو طحين

و اصغر و احد من اطفالك
ما يركب الا بجكساره
و اكبر واحد من اخواني
ما يگدر يدفع ايجاره

رايد حقي لخاطر مكه
نازل منك اخذ حقي
و مو بطران شما اتظاهر
يل بگتوني بأسم الدين
اشرف منكم اقذر عاهر

يا قناص انتظر شويه
عندي عيون و اگدر اميزك
طلقاتك باجر ارجعهن
و اترس شاجورين براسك









سيف العبادي

[انثى مخمليةة]

الله

روعه