اس شيسكتني
الوطن سكران
والدفان يشرب ناس
اس شيصبرني
واضل ساكت على التابوت
والجثة شعب
والوطن طيحة راس
الوطن ياناس ياثوار
الوطن صاير شريط أخبار
وحجاب امي شريط دموع
الوطن صاير عقار الجار
الوطن بس عالوطن ممنوع
الوطن ممنوع
الوطن مو دار
انا الجاسوس
انا المتهوم
انا المالي شبر بالگاع وابن القنصلية بكل شبر مزروع
انا الجوعان والبرحي بسفارات الترف مبيوع
اس .. شيسكتني
مو مرجع خمس واسكت
انا الشاعر
اذبحوني اريدن دمي يتلولح على البيبان
واتهموا الجامع بدمي
تهمتي انسان وبدمي وطن فقره وگلبي يمارس الممنوع








باسم الخاقاني