كل عام وانتي نفس
كل عام وانتي نفس
يتمرجح بريتي
وتبقين لوحة عشگ
ترسمهه حنيتي
ماريد حتى الهوه .. يشاركني بزلوفج
واوكف بعين الضوه .. لو فكر يشوفج
ياحلم يمته تجي؟؟
وتتحقق ببيتي
كون الخجل يندفن ... وبطولج اتروه
وجفي النسه المستحه..شاف الخصر يسوه
غنيني بيه لحن... لعيونج الحلوه
الليل اجه بلا كمر
والنجم كام وعثر
من جاس عينج زعل
ومنهن تبريتي
زاعلت كل الورد .. جي مو مثل خدج
والنجم كلش تعب .. من حاول يعدج
يصغيره حته النده .. مايوصل بكدج
القاهرني وجه الكمر
وشكد خطيه الشمس
خفتن ولا بينن
من انتي ضويتي
محمد وجيه
رد مع اقتباس
