وياك وياك دنيا واخره يحسين وياك
لكيتك سالفة فطره يحسين عله قد نيتي
ولكيتك مو هوى محتار بس تتغزل بريتي
مادام الدمع يرثيك يقين اعرفت تاليتي
ياسيد العافيه مشكور منك خذت تسميتي
وياك وياك دنيا واخره يحسين وياك
ـــــــــــــــــــــــــ ـــــــــــــــــــــــــ ـــــــــــــــــــــ
هيه العافيه بلياك ماتراد مذمومه
منو مثلك مغطي الدين بس مسلبه هدومه
مادام آنه اعرف حسين مااحتاجه معلومه
يقين الماتخلي ذنوب يعني الدمعه معصومه
وياك وياك دنيا واخره يحسين وياك
ـــــــــــــــــــــــــ ـــــــــــــــــــــــــ ــــــــــــــــــــ
ياخذني الدرب لهناك واشوف الدنيه تغويني
وشما ابتعد يحسين انته القاك تدنيني
المابيهن ذكر ومصاب ماينحسبن سنيني
حدر ضلعي تعرف شبيه تدري لبينك وبيني
وياك وياك دنيه وآخره يحسين وياك
ـــــــــــــــــــــــــ ـــــــــــــــــــــــــ ـــــــــــــــــ
يالماخذ عفه السجاد ومجمله اعله عافيتي
انا من ريشت العباس ماخذ هيبتي وصيتي
ومن اقماط عبد الله تعلمت الف جفيتي
عبد عندك وآبق حيل بس مطيني حريتي
وياك وياك دنيه وآخره يحسين وياك
ـــــــــــــــــــــــــ ـــــــــــــــــــــــــ ــــــــــــــــــــــــ
كلمات:علاء شهيد الحجامي
تحميل MP3 - وياك وياك || مرتضى حرب || محـرم 1441 هــ
رد مع اقتباس
المشاركة الأصلية كتبت بواسطة sawsanmahmoud
