هنا

[فقار الكرخي]

تركض عيوني تريد
تلوح من عندك سمار ،
والمسافر لو تأخر
يصعد ابـ ظلِ القطار ،

الدنيا مو كلش چبيرة
بيها اني وانته ، وشويه خضار ،





وجهي وجه السنبلة الماخذلت أحد

وكلبي مثل النخلة بس البي رطب لدكه يصعد

مارخص جفي بسؤال
ومابعت عيني برخص وادم( انذال)


دوم اعدي عيوب غيري

ووجهي يتسومر حلال.








انه مگدر ع جروحي العزيزات
يحبني وعشتهن ليل وي ليل

يلجمني بعتب مرات وبغيض
بس اسكت لان ماالگه تعليل

جروح دخيل ربهن غير حلوات
يونسني ويركدن بالوفه الحيل

وانه من غيرهن مااعرف شلون
اعيش واعتنق ليل المواويل.







يل بيدي جبتلك فيّ
من چنت احترك بالضي ّ
مشكور وصدك وفيت
شكراً علـ رصاص الحي ..!








فاگـــدك
وشمــا بطيــت اشتـــاگــلك
و ناســك يگلــولي ما يســـتاهــلك

چا گلـــت هــذا الــ يحبــني
ويــن يم يا دمعــه صــار

احتــرگ واطفــي بغيـــابك
ياثلــچ وبگلـــبي نار

فاگـــدك يالماتبــين
فاگــدك






سهران للغافي العصر
ومرتاح يگعد واتعب
حد ما ينادينا الصبح
وامشيله بجفوني الزرگ
ويمرني شكله مرتب
ويگلي تعبان شعجب؟؟؟
واختصر ماحب العتب
لا زين بس هذا الفرق بين اليحب والينحب!








وتغويني
واصير آدم
واغني اغنية التفاح
ونگضي الدرب بأغنية





اجي تعبان ..
من الناس
من حسبات البالي !!
وتلمني سوالفك و أنسه
وتاخذني ..
بدفو عيونك
واختل ..
جوه جفنك طيف
اليطب لأحلامك تونسه ..









يا وطن چا يمته تشفى وما تعاني
گمنه نبچيلك اذا نسمع أغاني