هنا

[فقار الكرخي]

بحلاة النوم
والصايح ندهني اكعد
عاركني الولد بالطيف
شك ثوب العلي.. ومرعده تمرعد
ركضه.. وللطريق العام
وخيول الصبر . مافادهه تحدد
أمدّمه.. وماغسلت الدم
اغبشت بالليل.. انا المشتاك
عندي ويا الجرح موعد
ادك اعله الخواصر حيل
امرد بيهن تمرد
وبسجين اكشر الروح
حتى الشافني يشرد
وراح افرش جمر سجاده للخطار
نوبات الجمر من يحرك ايبرد
كالو حادثه.. بهالبيت
ناس تروح ناس ترد
.
واستعجلو بالتشييع
والسايق تمنه.. ياخذه ويشرد
احنه ناس ذبلانين
بس جان الولد.. بيناتنه مورّد
احنه ناس مكطوعين
من دون البيوت.. ابيتنا امغرد
احنه هنا اذا يشمر عباته الليل
من الخوف بين جلودنا نلَبد
الماعنده ولد مكتول
خلي يطلع ويشرد
الميتله ولد يبقى
الميتله اخو يكعد
تره غيم الولد جتال
حتى لو بعد.. يرعد
كبر سنبل حصادك.. واشتهاك الموت
وشيختار غير الزين
عدنه الموت من يحصد
طالت نومتك وتعدت السنتين
مو طيب يصير الماي من يركد
بويه فكرت لمن غبت ننساك
احنه مو حيايه اتذب جلدها
وابيومها تجدد
صحت للناس غبشه
بصوت ابو مفجوع
والشيخ البعيد بمأذنه يمجد
الماعنده ولد ميت انا اترجاه
خل يبعد
انا اترجاه خل يبعد..









م

[انثى مخمليةة]

عاشت ايدك

[الملاذ الاخير]

تسلم اديك فقوري