هنا

[رمـْـْْـْــــــــآڊ]

السلام عليكم



وسام طرح سؤال جدا مهم وهو

"اقتحام اسبانيا من قبل طارق بن زياد والبربر هل هو فتح ام استعمار برأيك"

وجوابي كان :

"يمعود استعمار ودمر الاسلام جان الرسول ص ما يهجم على دولة قبل الا اذا اعترضت طريقة ... جان يدز المبشرين ينشرون الاسلام واخر عمره كال اليوم اكملت لكم دينكم واتتمت عليكم نعمتي
انتو شكو كل يوم وغزيتو دولة يا اخي الاسلام مو بالسيف ... ولا تنسه خالد ابن الوليد سواها بحر من الدم اتباعا لامر الخليفة
شاهدنه الاسلام رحمة مو نغمة ... اشو حته المشرك جان رسول الله يزورة لبيته"

سؤالي شنو حقق الاسلام للعالم ... ليش تشوف اغلب المجتمعات الهمجية هي الاسلامية؟
ليش تشوف اغلب الحروب والنزاعات والطائفية بالدول الاسلامية؟
طيب الاسلام منع العلم؟ لعد ليش منشوف علماء عرب يصنعون صاروخ لو طيارة؟
ليش اغلب العصابات والاحزاب والتشكيلات اسلامية؟ وليش الدول اليحكمها الدين بيها ظلم؟ مو على اساس الاسلام رحمة؟
ليش الفقر والظلم والقتل بالدول المسلمة؟
طيب لو نفترض استعمار اسبانيا فتح كما يسمونة شنو اثمر؟ يعني شنو حقق لاسبانيا هذيك الفترة؟
ولو باقي حكم مسلم جان خربت حته برشلونا اقصد جان دخلو بالطائفية والاقتتال بينهم

اعتبرني يهودي ويسئلك
مثل ميكول فقار جاوبني على كد عقلي
جذب مكال هيج فقار

[الرميثي]

اخ رماد
حسبت الاسئلة الي بالموضوع فوجدتها 12 سوال مختلف
يعني تريد مني ان اجاوبك على 12 سؤال مختلف ؟؟؟

[الملاذ الاخير]

تساؤلاتك صديقي العزيز جوابها بسيط جداً ؟؟

الطالب اللي بجامعة الكوفة الصنع طيارة بعهد صدام ؟؟ شنو كافئة صدام ؟؟
حطه وعدمه ؟؟

كل التطورات الجاي تصير بالعالم لو لا الاسلام ما الها اي وجود ؟؟
كتاب نهج البلاغة بالخصوص للامام علي عليه السلام هو مصدر اغلب التطورات واكو اشياء جاي يكتشفها العالم هسة اما عن طريق نهج البلاغة اللي ترجموه الغرب ويدرسوه ؟؟ او وصلولها هسة والامام ذاكرها قبل الاف السنين ؟؟

راح اجيبك للزبدة مال التسأول مالتك ؟؟
شنو مصير اللي يبدع بالعراق ؟؟ شنو مصير اللي يبدع بالسعودية ؟؟ شنو مصير اللي يبدع باي بلد عربي او اسلامي ؟؟
مصيرة القتل او الهجرة لا محال ؟؟
احنة بلدان محتلة ؟؟ بطريقة مباشرة او غير مباشرة ؟؟ حكام الدول الاسلامية كلها خانعة وخاضعة لاسرائيل ؟؟
واي تقدم يحصل باي بلد مرفوض .. وانتة جاي تشاهد الحال والخراب بالبلدان العربية والاسلامية فقط ؟؟

اذا راح تسألني شنو هدف اسرائيل هم مستعد اجاوبك ؟؟

[انا و كفى]

المشكلة ليست في الاسلام بل في المسلمين،، وسبب كل مشاكلهم هي في أنهم حولوا تعاليمه مشروع يلبي رغباتهم ويشبع غرائزهم،، حولوا الجهاد وسيلة لنهب اموال الآخرين والاستيلاء على اراضيهم ومدنهم و اغتصاب نسائهم،،،
وحولوا الجنة حسب وصفهم لها الى ماخور دعارة ،،تغري كل شاذ ومريض نفسي للأنتحار وتفجير نفسه بين الابرياء من اجل ان يظفر بالحور والغلمان و انهار الخمر .لذلك تجد تفكير اغلب المسلمين محصور في هذه النقاط ولايتعداها ،
شكرا

[رمـْـْْـْــــــــآڊ]

اخ رماد
حسبت الاسئلة الي بالموضوع فوجدتها 12 سوال مختلف
يعني تريد مني ان اجاوبك على 12 سؤال مختلف ؟؟؟

بكيفك اي سؤال يعجبك كلها تحجي عن الدمار الي يخلفه المسلمين بكل عصر

[رمـْـْْـْــــــــآڊ]

تساؤلاتك صديقي العزيز جوابها بسيط جداً ؟؟

الطالب اللي بجامعة الكوفة الصنع طيارة بعهد صدام ؟؟ شنو كافئة صدام ؟؟
حطه وعدمه ؟؟

كل التطورات الجاي تصير بالعالم لو لا الاسلام ما الها اي وجود ؟؟
كتاب نهج البلاغة بالخصوص للامام علي عليه السلام هو مصدر اغلب التطورات واكو اشياء جاي يكتشفها العالم هسة اما عن طريق نهج البلاغة اللي ترجموه الغرب ويدرسوه ؟؟ او وصلولها هسة والامام ذاكرها قبل الاف السنين ؟؟

راح اجيبك للزبدة مال التسأول مالتك ؟؟
شنو مصير اللي يبدع بالعراق ؟؟ شنو مصير اللي يبدع بالسعودية ؟؟ شنو مصير اللي يبدع باي بلد عربي او اسلامي ؟؟
مصيرة القتل او الهجرة لا محال ؟؟
احنة بلدان محتلة ؟؟ بطريقة مباشرة او غير مباشرة ؟؟ حكام الدول الاسلامية كلها خانعة وخاضعة لاسرائيل ؟؟
واي تقدم يحصل باي بلد مرفوض .. وانتة جاي تشاهد الحال والخراب بالبلدان العربية والاسلامية فقط ؟؟

اذا راح تسألني شنو هدف اسرائيل هم مستعد اجاوبك ؟؟

عزيزي احمد
الامام علي عليه السلام فقط ذاكرهن لو موضح طريقة صنعهن؟
الشي الثاني ليش استثمرة الغرب وانت لا؟ مو انت مسلم واحق بيه؟
لا تكلي اسرائيل وتدخلات ومدري شنو
ليش هي الشعوب المسلمة اذا ما قابلة على ظلم قادتها ليش ما تسوي ثورة عليهم ...
الي يذبح ويقتل اسرائيلي لو عربي؟

[رمـْـْْـْــــــــآڊ]

المشكلة ليست في الاسلام بل في المسلمين،، وسبب كل مشاكلهم هي في أنهم حولوا تعاليمه مشروع يلبي رغباتهم ويشبع غرائزهم،، حولوا الجهاد وسيلة لنهب اموال الآخرين والاستيلاء على اراضيهم ومدنهم و اغتصاب نسائهم،،،
وحولوا الجنة حسب وصفهم لها الى ماخور دعارة ،،تغري كل شاذ ومريض نفسي للأنتحار وتفجير نفسه بين الابرياء من اجل ان يظفر بالحور والغلمان و انهار الخمر .لذلك تجد تفكير اغلب المسلمين محصور في هذه النقاط ولايتعداها ،
شكرا

نعم لا اقول في الاسلام بل المسلمين من عهد الخلفاء لحد هل لحظة يخطئون ويقتلون ويسلبون جابوها من وفاة الرسول لليوم
معقولة احنه افسد الاقوام على الارض؟
ليش نشوف الغرب مرتاح ومتونس بوقت كان لازم احنه المرتاحين لان النظام الاسلامي كفل هل شي

[ابن بغـ ـداد]

راح اجاوبك على السؤال الرئيسي ورة النقاش
طيب لو نفترض استعمار اسبانيا فتح كما يسمونة شنو اثمر؟ يعني شنو حقق لاسبانيا هذيك الفترة؟
الاندلس او شبه الجزيرة الايبيرية (اسبانيا + البرتغال) جانوا يحكموها الرومان الى حد القرن الخامس الميلادي من احتلتها القبائل القوطية يعني من اجوي المسلمين هي اصلا جانت محتلة صارلها قرون من قبل جماعة همجية حولتها الى دول مفككة ونظام سياسي فاشل.
سبب الغزو هوة ان الحاكم جوليان راح لموسى بن نصير وطلب منه المساعدة ضد الحاكم الطاغية رودريك وبالتالي تم الغزو ولانها جانت تحت حكم فاشل بالتالي السكان رادوا اي تغيير وبهل الحالة جان الحكم الاسلامي هوة التغيير وبالفعل السيطرة على الاندلس جانت اسهل بسبب قوانين المسلمين المتسامحة مقارنة بالقوط وبالتالي تمت السيطرة على كامل شبه الجزيرة خلال سبع سنين فقط.
الاندلس تحت الحكم الاسلامي جانت من العصور الذهبية لشبه الجزيرة بإتفاق عام بسبب التسامح الديني والنجاح بعدة مجالات علمية وثقافية وغيرها .. لقرون طويلة جانت الدول المسيحية بأوروبا تعاني من الحروب والمشاكل بينما الاندلس مستقرة ومزدهرة.
وطبعا ورة هذي الفترة الطويلة اجة عصر الانحطاط والتفكك حالها كحال اي دولة.
اذا ناخذها بشكل محايد بناءاً على الحقائق اذن نعم جان فتح بسبب الفوائد الجبيرة الي جابها الى شبه الجزيرة الايبيرية.


قصر الحمراء من إبداعات الفن المعماري الاندلسي.

[فقار الكرخي]

لعد ليش منشوف علماء عرب يصنعون صاروخ لو طيارة؟

حبيت اختار هذا الاقتباس من الموضوع حتى محد يكلي ملحد ..

احنة علمائنا مو صدكيين
شلون مو صدكيين ؟
اني اكلك شلون .
يعني يجيك ويحجيلك اشياء غيبية
وانت لازم تصدكة
الاشياء الغيبية مابيها دليل
يعني مثلا يكلك من تموت راح يجيك يسئلك منكر ونكير .

تكلة شنو دليلك
يكب بوجهك هو لو هاي الناس الفقرة
اسكت يمعود هذا عالم .
ومن تموت ويجوك راح تتندم على كلامك .

بهيج حالة صار عالم براسك وماقدملك دليل
تجي على العالم الكافر
يكلك صنعت كمبيوتر
تكلة وينة دليلك
يطلعلك الكمبيوتر وتشوفة بعينك
اما صاحبنة لا
يكلك اذا متصدكني الله يذبك بالنار
عبالك احنة كواغد


المهم هو الاسلام النه شقدم غير القتل حتى يقدم الباقي الدول
زين اكو فئة تكول الصوج مو بالاسلام
الصوج بالمسلمين .
لا يا حبيبي لا
هو القرأن بهواي ايات يحرض الناس على قتل بعضها
قاتلوهم واقتلوهم والى اخره



مشكور رماد على الطرح الراقي

[رجل كل العصور]

انه استعمار واستعمار ثم استعمار:
اصلا دخول الجيش الاموى لشمال افريقيا قبلالاندلس.. فعندما يرسل عقبه ابن نافع ٢٠ الف امراة سبية من أرض المغرب لأمير المؤمنين في دمشق هل يسمى ذلك فتحا ،والخليفه همه النكاح وبيع الجوارى الامازيغيات..
ثم تم تجنيد الامازيغ انفسهم لغزو اسيانيا...
انه في نهاية الأمر استعمار لأرض و شعوب انتهى أمرها بسقوط غرناطة ، و لم يختلف الامر عن استعمار الغرب لنا ..
ومن يسمي دخول الاندلس فتحا عليه ألا ينكر أي استعمار على بلاده.. هو فتح من زاويتهم كذلك ..
الفتوحات الاسلامية هي حركات توسعية للامبراطورية الأموية والعباسية ، تم فيها استعمار البلدان لجني المال وسبي النساء والتوسع .اي استعمار هو بسط النفوذ السياسي والاقتصادي اي لأهداف توالت بعد سبب هدف نشر الدين السيطره اقتصادي كما حدث في الاندلس ز
الغزو والاستيلاء والقتل ظواهر تاريخيه مرتبطه بسلوك البشر على هذا الكوكب
اغلبها قائد عسكرى ورجل دين يصاحبه والاسباب تاتى لاحقا...س
الغرب نفسه استعمر مناطق كثيره بذريعه التبشير.. بحملات مؤالفه من ( قائد عسكرى+ كاهن)
والمفارقه الكبرى فان الاسيان طردوا المسلمين العرب سنة ١٤٩٢
وبعد عام قام الاسبان بالوصول الإسبان للقارة الأمريكية واحتلالها..
تلك هى حركه التاريخ واسبابه.. بعيدا عن المعايير الاخلاقيه والدينيه
تحياتى...