هنا

[فقار الكرخي]

تمر بيه السنين أركاض
وأمطر من دمعها دموع
وتانيهن بخلگ الليل
بالشوغات
بالعثرات
بمعاتب وصرخة ويل
ماتانن اطيوفي أسبوع
جابني بنحيب أزغار
بوكت دخان
وعثوگ النخل من نار
بوكت حته الورد مخدوع
بوكت حته النجوم تلوع
صرت بين الحرب والخوف
صرت من نزعة النفنوف
بمداعب وهمس اصياح
طحت ويه الشهيد الطاح
ذاك بزود ،، واني اعناد
صرت ومناثر الجگليت
حفنه ارماد
أرضع والشضايه تحوم
عني أمتار ،، موش أبعاد
ومن ذيج الأيام
وگلبي أحس مفجوع
ومن هاي الأيام
البيها ناس تجوع
وأخذ بيه الدرب مذلول
عثر يم عتبة السطان
شاعر والقصيدة أتگول
مامش للمذله أفراش
مامش للظلاله أگياش
مامش للحزب غباش
أكل بيه الوهم ساعات
ها لنيِ العدل مكتول
ها لنيِ جرح
غنه آبغنه المعلول
كلشي ولاتگول السيف
باشط بالرگاب يبوس
كلشي ولاتگول أحزاب
جابت والعواهر روس
كلشي ولاتگول اغراب
بدل ريشه بالطاووس
كلشي الي حجيته
آمن الرفض ممنوع
جم تقرير
من ولد الرفيقه
أتعلگ أعلى الباب
بي مكتوب
ذوله أتباع
ذوله وداع ،، ذوله أجناب
بس ما گال
ذوله أسباع
ذوله متاع
ذوله الگاع
بي مكتوب
هذا أبن الوگف
منتفض ضد صدام
هذا أبن الوگف
بالإنتفاضة ألغام
وصوتهَ أقسام
حط ملح أعله عينه
ولارضها أتنام
يركض واليتامة أيتام
بس ماكَال
هذا أبن الفزع مهموم
هذا أبن الوگع ملجوم
هذا أبن الذي مثروم





همام الزغيبي

[اﭬـين أبراهيم]

ححــلو

[أستثنـآئيـّةة❤️]

رائـع جـدا