رجل تزوج بنتّ عمه ... وچان يحبها وهي تحبه
وبعد الزواج عاشوا حياة جميلة والله سبحان وتعالى رزقهم بأطفال .. وكانت حياتهم الزوجية ماكوا اسعد منها ...
وكانت الزوجة تموت على ابن عمها زوجها وحبيبها وأبو اطفالها ...وكانت دائما تگل لزوجها ياحبيبي وياعمري إني مايفرقني عنك بس الموت ....!!
وكان زوجها يگلها يمعوده اذكري الله هو احنه إشفنه من الدنيا حتى انموت خل نكبر اطفالنه والرايده ربچ يصير ..؟
وشاء القدر إن يصير الفراق !!
في يوم من الأيام بينما كان الزوج بالعمل واذا بالناعي يجيه ويبلغه بوفاة زوجته وحبيبته ... طبعاً انهارت اعصابه وماكدر حتى يحچي من گد الصدمه ...
وشيعوا اجنازة حبيبته بالليل وعيونه تشوف التابوت ومخنوگ بالعبره
...
ف گال ::
..
شلت عني بسواد الليل ونشال
اصيح اعليك گلبي رعشّ ونشال
يلاهي وياها رايد كون ونشال
بلحد واحد ونگضيها سويه
...
وبعد أربعين يوم على فراگ حبيبته راح يزورها ومن وصل چانت الشمس تريد تسلم يعني الدنيا غروب وكان نيته يبات يم گبر حبيبته فوصل ومن بعيد شاف الڰبروخنڰته العبره
گال ::
..
بمسيت اغروب واعيوني ترابات
درب عاثور وجدامي ترابات
اجيت اليوم يمّ گبرچ ترابات
وبلکي من الله نومت موت اليه ..
...
وعندما وصل إلى الگبر احتضنه بشده وانهار ..
لكن لم تسقط منه أي دمعه ...
فگام يحچي وي حبيبته وخده على ڰبرها
ف گال ...::
عظيم افراگچ اعليه يهد كون
وخناجر تطعن ابگلبي يهد كون
لون الماي البعيني يهد كون
لغرگ المگبره ونغرگ سوية ****
رد مع اقتباس
المشاركة الأصلية كتبت بواسطة فقار الكرخي
