وابقى احلم....
بوطن كون
من آعيش يعيش
والثوره من آموت
بصوتي تتلثم
بوطن لونه
سنابل بيض.....
والمنجل فلا ينذم
شعب مكَيود
مدري آلوين .......؟
لغابة نار.....
للدخان.....
لسجن صوت البلابل .....
للنوايه السود .....
لكحل عين النثايه
بطاري لون الدم
وابقى احلم....
بشمس تظفر
شعرهه احبال....
وتلف ركَبة
كراسيهم......
موش انضاف
اخيط سمعي .....
من ينجاب طاريهم....
شعب خرسان والجلاد....
ثمل بآخر
بكَايه الصوت
شعب نام
بكهف خوفه
ولا جدحة شراره
توج ضحك منعوت
يمته الكَه
الفرح منعوت....
يمته الكَه
الضحك منعوت.....
شعب صوتك
يرجف جلة جويريد
واليبرد يصير
جنازه للتابوت.....
وابقى احلم.....
ولو طيف اعله كَد عيني
يمشي هناااا.....
ويمشي هنااااك....
ويرد بيه ضوه
يكحل روازيني
وفك قَيد
السلاسل ذيج
من جانت تزوركَ
دم شراييني
واغني بواهس الفلاح
وطش حنطه بدرابيني
لعكَد للفرح
طارف بكَايه الروح
ونث لون الثلج
حنه بحياطيني
وآشيع كل حزن بالروح
وآدفن بالهوى دموعي .....
اروح هناك.......
ارد لهناه.......
والكَه الناس لون ولون
ودم ثوار نفس اللون
دم يفيض سنبل
يلصف من يشب
دم ابيض يجمل
كل نكَيط الحب
دم مفتاح يكسر
واهس الظلمه
ويخضر بالمعاضد
لمعه من تحب
وابقى احلم
وابقى احلم
١٩/ آذار/٢٠١٧
رد مع اقتباس
