احنه مانرهم عبيد
الزم الطبشور بيدك
اوكف اعله السبوره واكتب
اوكف اعله السبوره وارسم
دنيا مو نفس العشتها
دنيا بيضه
جنها كلبك .
ولا تخليلك اثر للون الاسود
اللون الاسود يحجب عيون الشمس
ومن تشوفه يجي ابالك الدنيا تشييع وجنازه
الدنيا مابيها مجال تشوف باجر بي تمر زفت عرس
وحتى باجر تحتفل من تمر زفت عرس
ارسم احدود الوطن
وبنصه وادم حيل اوادم
وادم تحب الخريطه
اوادم نولدت تحب
واكتب اسمك لاتمسحه
لاتمسحه
عوفه ينبض
بلكي توصل للحقيقه
وتكتشف بالسر وجودك واكف بسد الوطن
واللون الابيض وين ماتندار تلكاه امان
كل حبيبين التقوا بعيونهم تلكه الامان
الفرحه بعيون الزغار هناك امان
كلشي امان
وكلشي حب
هناك بس صوت البلابل
والموسيقى
والاغاني التزرع بروحك امل بين دكات الكلب
ارسم ارسم
بالك تخلي استراحه
الاستراحه يعني معناها السكوت
السكوت اليمشي بيه ويمشي بيك
سنين جبنه اعمارنه واليحجي اش اش
خاف للحايط اذان
وخاف صوتك ينسمع ويفز معالي السلطان
وحتى ماتسكت ابد
ابقه ارسم
لا تفكر باستراحه
امسح السلطان بيدك
وبمكانه اكتب الحريه صوت
وارسملنه بنصها ورده
للسلام
ارسم بوجه التحبهم ضحكه ميضمها اللثام
ارسم الناس ارمزلها ابأيد وحده اوطن واحد
واكتب بنص الخريطه
يله حي اعله النشيد
اني حر وانته حر
احنه مانرهم عبيد
حسين المعموري
رد مع اقتباس
