ثجـيلة حچاية الغـُربة وجفـاك اثگـل
وگلـبي بـَين هاي وهـاي حايـر ضـل
بـرد حسَـك وروحـي تنـاوشتها الـ آخ
وعيـوني گضـن والشوف بيهن گـل
متعـُوبين واحـد يَـومي لـثاني
اركضـلة وتـردني الخْيل لمچـاني
___________
امبيـن الفـاگـد حيلـة من يركض
مـَن تشـابگ الظلمـة النجم يلمـض
يـذاك التل صعـدتة وشفتـك ويـاشوف
بـ التعبانة بيهـن خيـل غيري تـرض
بطَل حيلي لچـن مـابطلن ادمـوعي
عسـة الـ بضلوعك يديَرن على ضلوعـي
_____________
ينـدل بيـة طولـك ياكـتر ينـدس
صحـت عليك حـد ما مات بية الحـس
تتحـرك اشـوفك لچـن انتـة بعيـد
مَـاميـزك تأشـر ليـه لو تـُرفس
عمـت عين الحُـَوافر ملخـن صـدرك
احشـم ياهو خاطر عنهـن يؤخـرك
______________
حلـگ دلـة الظهُر حمل الوكـت هـدة
مَـاتوگف عـدل من تعطـش الوردة
احـن وتحسـر على ايامي ذيچ وياك
حسـرة ميت اول سـاعة الـة بالحـدة
شيـردهن بعـد يحـَسين شيردهن
روحـة طيف راحن وايسـت منهـن
________________
بادلـت السهـر بالحيـل سـد بـ سد
وحـد كلـها هـاي وفرگتـك وحـد
يـوجة غـُروبـك يچل ونحنيلـة ونين
يـثاري الليـل لـ العاشگ چفن اسـود
حلـف الـ ليـل اذ بـي ساعة هـودنة
صفنـة تشيلني ذبنـي بحلـگ صفنـة
_________________
كـلمات الشـاعر :- عبـاس الشبـلاوي
تـدويني
رد مع اقتباس
المشاركة الأصلية كتبت بواسطة انثى مخمليةة
