يبن أمي أجينه... گوم أعدل عبينه
گوم الخواتك.. ومـدللاتك
ياخويه.. ياخويه
ياخويه.. يحسين
عادة التنهضم لخوتها تتعنه
واذا تشكي الهم محد يسد جـفنه
ينهضمون ويگولون چا وإحنه
اشلون اتطيح دمعتها الحدر فينه
ينشف دمع اختهم.. لو شافت زعلهم
وانه دمعتي.. تسولف غربتي
ياخويه.. ياخويه
ياخويه.. يحسين
انه جايه وأعتابي بعيوني
لهلي يهل المحنه ردوني
يم اگبوركم لوجدمت اضعوني
لو شفتوني مااظنكم تعرفوني
زينبكم يأهلها .. متغير شكلها
بعيوني حيره .. يهلي چبيره
ياخويه.. ياخويه
ياخويه.. يحسين
هاي انه عزيزة علي وهيبتكم
لهلي ارجع وحدي ماترضى غيرتكم
مو من عادتي آنه اتوسلكم
آنه امعوده اترف فوگي رايتكم
موش اولامي هايه.. أرد ابليه رايه
كعد گمرنه.. يردنه لهلنه
ياخويه.. ياخويه
ياخويه.. يحسين
من الناگه اشمرت روحي على گبرك
طحت واسم الله گالي نحـرك
ومن رگضن خواتك لطمن ابكترك
ونيت وگمت تلطـم على صدرك
أحسك من شفتهن.. عذرنه تگلهن
ياروحي انته.. صدرك لچمته
ياخويه.. ياخويه
ياخويه.. يحسين
وصلناكم وكلمن رگضت ابصفحه
مذهولات وعيون الغرب وكحه
تلطم رمله چي مادامت الفرحه
ورباب اگماط ابنها رگضت اتفتحه
كل وحده اعله ابنها... شاطت من حزنها
صوت أم الأكبر.. من الون تغير
ياخويه.. ياخويه
ياخويه.. يحسين
وانه بين ابوفاضل گعدتي وبينك
بين افصوصهن متخوصره الـ وينك
راح انخاك وين الله وتحل عينك
واصيحن يابوفاضل گاملي حسينك
وتشوفون أختكم.. محتاره ابضعنكم
ردت أسيره.. الچانت أميره
ياخويه.. ياخويه
ياخويه.. يحسين
✿ ✿ ✿ ✿ ✿ ✿ ✿ ✿ ✿
كلمات وأداء / مـرتضـى حـرب
ليـلة ١٧ صفر - ١٤٤١ هـ
✿ ✿ ✿ ✿ ✿ ✿ ✿ ✿ ✿
تحميـــل mp3
رد مع اقتباس
المشاركة الأصلية كتبت بواسطة انثى مخمليةة
أخي حيدر 
