حفاي نمشي لكربله
والخطوة نحسبها حساب
بكل خطوة نرسم ملحمة
وبحسين نمحي الارهاب
وحسين جسد ثورته
وتخضب بدمه خضاب
يعني ثورته قائمة
ومجسديها الكتاب
والظلم. من ذاك العصر
من غدروا بداحي الباب
أسسوا فكر التفرقة
وشكلوا جيش الاحزاب
اول غدر بعد النبي
بضعة الهادي تنصاب
يا حرمه بعدج فاطمة
ويا خدر عدهم ينهاب
منبر ابوج لينغصب
طبرت علي بالمحراب
جــبد الحسن يافاطمة
لو مقتل ليوث الغاب
يعني حقيقة واضحة
الحسين من كَبل أنصاب
بيوم السقيفة وما جره
رادوا تذل بيه أركَاب
ورادو سفيه اعله العرش
صفقات بين الأحباب
اليوم إلك باجر ألي
والمهم حيدرهم غاب
القرآن ناعتهم عَلن
تنقلب فوكـَ الأعقاب
بس التمسك بالولي
بحيدر علي لا ما خاب
رادوا يشوهون الفكر
وخلوه شمعه السرداب
عقول لا ماتنصلح
ومعروفه عدنه الاسباب
حسين حجه زيارته
ومحسوبة عند الله حساب
يعني ليروح الكربله
حافي ويطخ جسمه تراب
مرحومة صدكَوا عبرته
والنار من عنده اتهاب
بقلمي القاصر
ارجو من الله القبول والثواب
قاسم البهادلي
رد مع اقتباس
