عشرة رسائل مبشره بالجنون . .رائعة الشاعر الزبيري عبد الرحمن ابراهيم الرحيماوي
عشرة رسائل مبشره بالمجنون . . ساكتفي بقراءه (احدى عشره منها)
بينها رساله واحده كتبتها على (عجلّه من التاني) . . الى اخي في الرضاعه (كلكامش دام ظله )
الرساله الأولى:- قرأت الرساله لكني لم ارى (حمزه بين اسطرها)
الرساله الثامنه:- المثلك مايجيله ولا وحي يمرّه
.............................ولا ينزل لأن ما تعرف شتقرّه
انهدم سكف المغاره وعنكبوتك مات * وفضح سرّك حمام الساكن الحضره
ولأن نامو سويه الفلح والناطور * اندفع باب الحديقه وكطعو الزهره
.
.
الرساله السادسه :- ستعرض (جنازة البحر الميت) على(شاشة قناة السويس) لذا لا نسترعي الانتباه
.
.
الرساله السابعه:- من زينب الحرّه المالكت عون * الى حضرة اخوي المرهب الكون
...................... ومن بعد التحيه وحر الاشواك * وسلام من اليتامه اليمي يبجون
..................... عفتني بنص مجرد بالشكل ناس * ذره من الرحم قط ما يملكون
.................... حجي وسب وحريك ولفحة سياط * وسوالف ما افرزنها شيكولون
................... . يابت الــ .. فشل ما تنلفظ عيب * ويابت الــ . . المهم ظلّو يشتمون
.....................وتعذرت الحمل ظل يمي مطروح وتوسلت الردان تشيل المتون..................... وردت نفس النبي ابراهيم اليصير * الحلم جان يتحقق من يحلمون
..................... (بني اني ارى) جن بيدي مذبوح * (ابي سمعا" وطاعه ) شما تريدون
..................... وتك راس الشريعه وردتك تكول * (فديناهم نهر خاطر يشربون)
.
.
الرساله الخامسه:- رحلتي في البحث عن مصير عيسى ستنتهي عند بوابة (الصليب الاحمر)
الرساله الثانيه:- واضح لو بعد تحتاج توضيح * الكتبناهن تسامح مو تماسيح
..................... انا وياك اختلف من اسهر تنام * وخيط منتشك ومن اوكف تطيح
..................... ومو مثلك لمن اذنت الغروب * (حيّه اعلى السكف) من خوفك تصيح
.
.
الرساله الرابعه :- امام انظار الفجر . . منتصف الليل (يغتصب الصباح الباكر)
.
.
الرساله التاسعه:- شفت شاعر يغني وشاعر ينوح * ببيوت القصايد كاعد ايجار
...................... وشفت جندي بغرفته ويحمي الحدود * وشفت فوك السواتر واكف فرار
........................دكلي شظل بعد ما سولفت بيه * اذكر قنعتك بالبرد حار
.......................الحمامه اذكر كلتلك ضمها للضيج * ربك مو بيعيده يرزقك بغار
.
.
الرساله الثالثه:- كل الذين تحدثو عنك ليس (لاقولهم ) مناصب (في وزارة الصحه)
.
.
الرساله العاشره:- قانون الملح مو للضروره احكام * الماصخ ينفضح والمالح ترشحه
....................... وقوانين السكن كون السكف مرفوع * المبني اعلى الفتح ما أمن بسطحه
.
.
الرساله الحاديه عشر:- مالذي سيحدث ؟ لو ان ساعة الموت أتت اثناء لقائك المرتقب . الوقت
قد لا يكون مناسبا" حينها ليس لديك رصيد كافي لاتمام اللقاء .أأأ
راق كثير
رد مع اقتباس
